Skip to main content

Tungorun Amwmwet me Arongorong

Nupwen fansoun sipwe ekisaano ika sisapw etiwa omw kopwe nounou monien aninnis, iwe ina sipwe tin ngonuk ew pwungun finata ren mwokutukutun angang. Are pwe kose tipeew ngeni ew pwungun finata ren mwokutukutun angang, iwe ka tongeni ammweta ren omw kopwe tungor kaworen ew arongorong. Omw ewe nenien angang a pwan tongeni amwmweta ew pwungun finata ren mwokutukutun angang.

Napengeni pwungun finata mei titi seni ewe Putaen Angang a pachenong pworousen emwmwen ren atononga tungorun amwmwet me inet epwe mwuchchuno fansoun atononga tungorun amwmwet ren an epwe katonong tungorun ew arongorong non fansoun mei manemanoch. Omw kose atononga tungorun amwmwet non fansoun mei affat a tongeni pinei an esapw ekkesiwin ewe wesewesen Pwungun Finata ren Mwokutukutun Angang.

An a kon nian murinno seni meinisin ren awora tungorun ew arongorong epwe online won https://www.oregon.gov/employ/Unemployment/Pages/Appeals-Process.aspx. Ka pwan tongeni tungor ew arongorong non taropwe non posto, fax, ika are pwe en mei osupwpwangen sopwosopwonon aninnis, won tengewa. Sipwe awora ngonuk chon chiaku me aninnis ngeni ekkewe mei wor terin inisir are pwe epwe wor tungorun, nge esapw kamo ngonuk.

Nupwen ka tinano noumw taropwen tungor non posto, akkaseinon kopwe affata pwe ka tungor kaworen ew arongorong me kopwe pacheinong:

  • Nampan noumw Social Security ika Nampan noumw Customer Identification (CID),
  • Nampan ewe pwungun finata ren mwokutukutun angang, pwan
  • Me ewe pwinin maram ren tinaano ewe pwungun finata ren amwmwokutun angang ewe minne ka amwmweta.

Kose mwochen kopwe esinesin ngeni ir me ruu ren ewe Ofesin Arongorong fan iten Mwokutukutun Angang (OAH) me ewe UI Center are pwe a ekkesiwin neniomw ika nampan noumw tengewa me murin omw tungor ew arongorong. Sopwosopwun pworous won arongorong me ewe angangen amwmwet a tongeni kawor me OAH.

Nupwen angang won ewe amwmwet, kopwe sopwosopwono ne atononga noumw taropwen tungorun aninnis iteiten wiik. Are pwe kose claim non ew me ew wiik non fansoun mei affat atun omw ewe tungorun amwmwet mei chuen wor angang won, iwe kosapw angei aninnisumw non ekkena wiik ika pwe pwungun finata a awinnok.