Skip to main content

Met a punguno ren ewe claim fan iten aninisin an keuno angang

Cheki fichi niwinumw me noumw awa. Are pwe mei wor pworous mei mwaan, iwe ka tongeni tungor ew angang sefan won omw ewe claim. Sipwe tin ngonuk echo taropwe non pwosto ew pwungun finata ren claim fan iten ekkewe rese chuen angang. Ena taropwe epwe eppi ngonuk:

  • Ukukun aninnisumw iteiten wiik me aukukun aninnis me asan a tongeni kamoou - ekkei nampa ra pwarata aukukun me asan met kopwe tongeni angei non ew wiik me kapachen aukukun noumw claim mei chuen wor
  • Nenien angang ka angang ngeni, me niwinumw me noumw awa ra repwottei non ew me ew kuache fan itomw non ewe nongonongun ier ren omw ewe claim
  • Ranin an a pwopwuta me sopwono omw ewe ierin aninnis - ka chok tongeni tungor aninnis won ei claim ren ekkewe wiik a nom nefinen ekkei pwinin maram
  • Are pwe ei taropwe a fan iten nepwopwutan finata ika angang sefan won finata

Omw ewe claim fan iten aninnis ngeni ekkewe rese chuen angang me non Oregon a kawor ren ew ier, ewe minne epwe 52 wiik annea seni ewe wiik ka atononga omw tungor. Ena fansoun 52 wiik a iteni omw ierin ainnis. Kosapw tongeni atononga pwan ew minafon claim tori an ena ier epwe mwuchchuno.

Ewe Taropwen Finata Claim ren Aninnisin Ekkewe Rese Chuen Angang a tongeni pwan awora ekkoch pworous ren omw ewe claim, awewe ren ew mongungu epwe erenuk pwe ese wor omw claim mei manaman pwokiten a kukkun seni 500 noumw awa non omw ewe nongonongun ier me ka tongeni aea pwan ew nongonongun ierin claim ika pworous epwe esinesin ngonuk pwe sia tungor ngeni omw kewe nenien angang me noomw ar repwe awora pworousen niwinumw me noumw awa.