Skip to main content

Ese Ketiw Omw Tungorun Aninnis

Ekkoch napanap ra tongeni aukatiw ika pinei omw kosapw nounou monien aninnis. Ekkei napanap a esenipa ngeni ewe Putaen Angang an epwe cheki claim, finata tufichin nounou ika atoou pwungun finata ren mwokutukutun angang. Ra pachenong, nge esapw chok oukuk ngeni:

  • Wes seni ew angang
  • Ka tou ika saspen seni ew angang
  • Kose tufichin angang
  • Kose nomw non wesetan neniomw
  • Fiti sukun ika kaeo
  • Pusin angang ngonuk
  • Nomw non imwen fotek
  • Missini ew angang
  • Kose etiwa ew anapanap ren angang
  • Kose tareppich ne kut fetan angang
  • Ka akkangei niwinin asoso seni angang (tiwenon chok social security)
  • Kose fiti ew angangen kapas eis me ponuan fan iten Angang Sefan me Chekin Tufich
  • Kose etiwa ew titino ngeni angang seni WorkSource Oregon.
  • Kose amwuchchu mwokutukutun katonong non angang mei kawor seni WorkSource Oregon center non neniomw
  • Kose chuen angang asenipaen ew osukosuken angang, ika
  • Ka atononga omw tungorun aninnis nupwen fansoun ngaseta non summer, winter, are spring ika nefinen fansoun nupwen ka emon chon asukun ika chon angangen sukun nge esapw emon sense

Ekkei osuskosuk repwe fori koukitiwen omw ewe claim tori ach sipwe finata are epwe kamoou monien aninnis ika esapw. Kopwe sopwosopwono ne claim monien aninnis iteiten wiik nupwen a wor angangen chosa won sakkun osukosuk won omw ewe claim. Ei a tumwunu pwe kopwe tongeni angei aninnisumw non ekkena wiik are pwe pwungun ewe angangen chosa a kuna pwe epwe kamoou monien aninnis.

Emon chon atawei osukosuk epwe awesaano ew angangen chosa. Are pwe ewe chon atawei osukosuk a osupwpwangen sopwosopwonon pworous, iwe ina repwe esinesin ngonuk. Tumwunu omw kopwe ponueni tungor ren omw kopwe awora unusen pworous minne ra mwochen. Omw kose ponueni a tongeni efisata pwe ewe pwungun finata a katoou anongonong won pworous mei kawor a tongeni fori pwe kosapw nounou monien aninnis. Amwochuetiw pworous ika repwottei pworous mei mwaan ngeni ewe Putaen Angang a tongeni afisata watten osukosuk.