Skip to main content
State of Oregon Employment Department
Menu

Sign up for Direct Deposit or Receive a ReliaCard

Aewin Tooun Aninnis

Ren meinisin minafon claim, ewe aewinn touun aninnis epwe non chek non taropwe.

Anen tooun aninnis

Ewe Putaen Angang epwe monaau aninnis won electronic epwe ew chok me nein ren ew U.S. Bank ReliaCard® Visa debit card ika direct deposit. Are pwe kose tungor omw kopwe aea direct deposit, iwe epwe titi ngnouk ew ReliaCard®.

Direct deposit

Ren direct deposit, sia tin ngonuk won electronic noumw monien aninnis non omw checking account ika savings account non omw ewe bank, credit union, ika savings me paro. Ren tungorun direct deposit iwe kopwe osupwpwangen nampan routing me account.

Ren omw kopwe tungor:

  • Aea ewe Nenien Claim Online me fini “electronic deposit,” seni ewe main menu fini Enter your information, ika
  • Printini ewe Authorization for Electronic Deposit Form iwe ka tinato rech.

Ka tongeni kuna ewe taropwen Mwutata Direct Deposit me online ren Forms.

Auchea: Ese wor an ewe Putaen Angang nemenem won omw electronic payment me murin an a katoou aninnisumw.

Nupwen ka makkei itomw omw kopwe aea direct deposit iwe ina epwe ukukun eta tori 2 wiik ar repwe cheki pworousen omw ewe account. Nupwen ena fansoun angången chek, iwe epwe titi ngonuk aninnisumw non check non taropwe. Atononga sopwosopwonon tungor ren direct deposit, me mwen an epwe taweno ewe angangen chek, epwe fori pwe nouch ewe mwesin epwene pwopwutani ew minafon angangen chek me epwe ammangano omw fori omw direct deposit.

ReliaCard® Visa

Ren ewe U.S. Bank ReliaCard® Visa, sia deposit noumw monien aninnis non ew prepaid debit card. Ena card a tongeni nounou non ese nifinifin neni ikewe ia Visa card mei ketiw. Esapw wor niwinin omw nounou noumw ewe ReliaCard® repwe angei sonuk.

Kose mwochen kopwe ewitiwiti noumw card me non taropwen posto. Epwe tour ngonuk non tikitikin taropwe mei pwech nge mei mak ewe neni kopwe eniwini ngeni non Indianapolis, Indiana. Kosapw mwoneeno, inaamwo are ka fen makkei itomw omw kopwe aea direct deposit. Are pwe omw ewe direct deposit ese pwonueta ren ese nifinifin pwopwun, iwe epwene chok pusin mwet sefan ngeni kamoou won ReliaCard®.

Atun ka angei noumw ewe card, iwe kopwe kokkori ewe nampan tengewa ese kamo mei nomw won ewe card ren omw kopwe amanawa. Ka tongeni angei omw ReliaCard® pworousen account online ren ReliaCard® ika kokkori ar ewe customer service center won 1-855-279-1270.

Ewe Putaen Angang esapw tongeni erenuk pwe kopwe monaatiw niwinin omw kopwe tikeri noumw monien aninnis ren ekkewe rese chuen angang.

Ewe Putaen Angang ese aea pwan ekkoch sopain nukun ren an epwe atoura ngonuk aninnisumw. Meinisin pworous fan iten aninnisumw mwoni repwe pusin etto seni ewe Putaen Angang, nge esapw seni ew sopain nukun. Are pwe a wor tungor ngonuk omw kopwe tinano moni ika monatiw niwinin omw kopwe tour ngeni aninnisumw, iwe kopwe tumwunu pwe ei ew orukoruk mei ngaw.

  • Are pwe aramas ra tungor ngonuk omw kopwe tin ngenir moni fan iten omw kopwe tufichin angei aninnisumw, iwe kopwe etino wonoregonconsumer.gov ika kokkori 877-877-9392 ren omw kopwe repwottei ena orukorukongngaw.
  • Are pwe a tour ngonuk ew email ika text nge ka nuku pwe a etto seni emon chon orukorukongngaw nge a forano pwe i seni ewe Putaen Angang ika emon sou-anepwung, aewin, kosapw tiki ew ekkena link me kosapw ponueni. Ka tongeni atononga omw tipengngaw won oregonconsumer.gov ika kokkori 877-877-9392.