Skip to main content
State of Oregon Employment Department
Menu

Sign up for Direct Deposit or Receive a ReliaCard

Cuotv nyaanh fungx mingh bun daauh nzunc

Liouh yietc zungv mienh zoux siang-sou daaih tov, ninh mbuo tengx daauh nzunc nyaanh nor se fungx benx nyaanh zei-qekv mingh bun oc.

Ginv longc jau-louc cuotv nyaanh bun

Ninh mbuo gunv goux cingv gong ze’weic domh gorn se fungx nyaanh gan naaiv electronic gorn mingh dapv bieqc U.S. Bank ReliaCard® Visa debit card a’fai fungx dapv zaqc bieqc siou nyaanh sou-daan gorn. Beiv taux meih maiv duqv tov longc sou-gorn liouh fungx dapv zaqc bieqc siou nyaanh sou-daan gorn nor, oix zuqc fungx bun gan naaiv ReliaCard®.

Fungx dapv zaqc bieqc siou nyaanh sou-daan gorn

Dungh fungx dapv zaqc bieqc nyei buonc nor, yie mbuo se zorqv meih nyei ziux liv baaiz tengx nyaanh fungx gan electronic mingh benx nyaanh zeiv a’fai saving nyaanh daan gorn yiem njiec nyaanh lamz dorngh, bieqc credit union, a’fai bieqc saving aengx caux benx nyaanh gaav gorn. Liouh tov longc fungx dapv zaqc bieqc siou nyaanh daan gorn nor meih oix zuqc qiemx longc nyaanh jau-louc aengx caux siou nyaanh daan gorn nam mber.

Liouh tov longc:

  • Longc naaiv diuc Online zoux sou-tov gorn aengx caux ginv longc fungx gan “electronic bieqc siou nyaanh daan gorn,” ginv longc yiem waa-gorn dungh bieqc meih nyei waa-fienx wuov, a’fai
  • Yienx cuotv naaiv zeiv buatc longx nqoi nzuih fungx dapv zaqc bieqc sou-guv daan daaih liuz aengx caux fungx mingh bun yie mbuo oc.

Meih lorx mangc naaiv zeiv buatc longx nqoi nzuih fungx dapv bieqc siou nyaanh daan gorn sou-guv gan online yiem sou-guv gorn.

Jienv kuv jau -louc: Haaix zanc ninh mbuo gunv goux cingv gong ze’weic domh gorn duqv fungx nyaanh gan electronic gorn mingh bun meih liuz nor ninh mbuo yaac mv haih goux maiv taux aqv.

Haaix zanc meih saaih bieqc liouh dapv bieqc zaqc sou-daan gorn nor yaac oix zuqc longc bouc dauh ziangh hoc luah taux 2 norm liv baaiz liouh dor zaah mangc cing meih nyei nyaanh daan sou-gorn waa-fienx. Dungh yiem njiec naaiv norm bouc dauh zuov zaah mangc cing nyei ziangh hoc nor, ninh mbuo se fungx benx nyaanh zeiv mingh bun meih longc ndaangc. Tov heuc dorh lengc jeiv sou fungx jaa bieqc tipv liouh longc tengx fungx bieqc zaqc nyaanh daan sou-gorn, ndaangc jaa-nziouv ninh mbuo tengx zaah mangc cing yietc nyeic gong-bou ziangx nzoih nor, haih zoux nyauv hoic jaa-dorngx gorn zangc jiex gorn zaah siang yietc nyeic waa-fienx aengx caux haih donv zuqc tengx mbenc bun fungx dapv bieqc nyaanh sou-daan gorn ziangx zaih.

ReliaCard® Visa

Yiem njiec naaiv U.S. Bank ReliaCard® Visa, yie mbuo duqv dorh meih nyei nyaanh dapv bieqc liouh zorqv longc maeqv cuotv nyaanh fang-daan. Naaiv diuc zorqv nyaanh fang-daan se longc dorh mingh zorqv nyaanh yiem haaix norm gorn zangc yaac duqv dungh buatc maaih mbiuv Visa card dorngx wuov. Haaix zanc meih longc naaiv kuaaiv ReliaCard® zorqv nyaanh longc nor yaac maiv zuqc cuotv feix zinh liuc oc.

Daaix luic doqc mangc longx naaiv kuaaiv fang-daan waac dungh fungx gan zipv fienx dorngx daaih wuov. Ninh mbuo duqv dapv bieqc fien-mbuoqc baeqc fungx taux buoz zangc caux naaiv Indianapolis, Indiana liouh fungx nzuonx nyei deic zepv. Beiv taux gorngv meih duqv njiec nzoih sou-nzangc liouh fungx bieqc zaqc nyaanh daan sou-gorn yaac longx, oix zuqc zorqv goux siou longx maiv dungx guaih nzauz zoi guangc oc. Beiv taux meih nyei nyaanh daan sou-gorn maaih dorngx sa’caqv longc maiv duqv nor, yie mbuo yaac oix zuqc tiuv yienc dorh fungx bieqc naaiv ReliaCard® mingh bun meih.

Haaix zanc meih duqv zipv siou taux naaiv kuaaiv zorqv nyaanh fang-daan taux buoz liuz, oix zuqc douc waac gan naaiv toll-free fin-hoc gorn nitv yiem caux zorqv nyaanh fang-daan wuov liouh tov heuc tengx koi bun longc. Meih corc haih bieqc lorx meih nyei ReliaCard® nyaanh daan sou-gorn waa-fienx gan naaiv online gorn yiem njiec ReliaCard® a’fai douc waac mingh lorx taux ninh mbuo tengx nzie-weih zuangx mienh ze’weic gorn zangc yiem naaiv 1-855-279-1270.

Ninh mbuo gunv goux cingv gong ze’weic domh gorn se maiv duqv aapv heuc meih oix zuqc cuotv feix liuc zinh liouh bieqc zipv longc tengx ndortv gong nyaanh oc.

Ninh mbuo gunv goux cingv gong ze’weic domh gorn yaac maiv duqv cai longc da’nyeic norm saeng-eiz gorn tengx zorqv meih nyei nyaanh fungx bun meih. Yietc zungv douc waa-fienx mingh daaih gorngv taux meih nyei nyaanh jau-louc se benx ninh mbuo gunv goux cingv gong ze’weic domh gorn oix leix laamx zoux nzengc, maiv zeix guaih paaiv cai bun nzu’maengx saeng-eiz mienh tengx zoux. Beiv taux maaih mienh heuc meih fungx nyaanh mingh bun a’fai heuc cuotv feix zinh liouh bieqc zorqv meih nyei nyaanh nor, ninh mbuo se benx jan-zaqc gu’baeqc nduov hnangv oc.

  • Beiv taux maaih mienh heuc meih fungx nyaanh mingh bun ninh mbuo liouh benx jaaz tengx fungx nyaanh bun meih nor, gaanv lorx buangh taux oregonconsumer.gov a’fai douc waac bieqc naaiv fin-hoc gorn 877-877-9392 liouh box tong fienx gorngv maaih jan-zaqc gu’baeqc nduov.
  • Beiv taux meih buatc maaih email daaih a’fai maaih nzang-fienx daaih maiv doiz nyungc daax haih benx jan-zaqc gu’baeqc nduov dungh buatc gorngv mbuox ninh mbuo benx gunv goux cingv gong ze’weic domh gorn jien jaa a’fai liuc leiz jien jaa, jangx longx, maiv dungx guaih click borqv dauz lorx ninh mbuo aengx caux maiv dungx guaih dau waac nzuonx oc. Meih se haih fungx goz zong sou-daan bieqc naaiv oregonconsumer.gov a’fai douc waac fin-hoc gorn 877-877-9392.