Skip to main content
State of Oregon Employment Department
Menu

Unemployment Claim Determination

Lukkun etale joñan wonnam im awa ko am. Elañe ebwōd melele eo, kwōmaron kajitok aer bar lale claim eo am. Kim naj jilkinwaj juon leta in jemlok ikijen claim eo an ejellok jerbal ilo mael. Beba in kamool eo enaj kwalok ñan kwe:

  • Joñan jiban eo am kajojo wiik im aoleben joñan jiban rej kolla waj - bōnōbōn kein rej kwalok labtata eo kwōmaron loe ilo juon wiik im aoleben joñan eo emaron bed ilo claim eo am.
  • Jikin jerbal ko kwar jerbal, joñan wonnam im awa ko rar kōjella kajojo kwota ñan kwe ilo yio in claim eo am.
  • Raan in jinoe im jemlok ilo yio in jiban eo am - kwōmaron wot claim jiban ilo claim in ñan wiik ko kōtaan raan kein
  • Jekdron ñe beba in kamool in ej jemlok eo jinointata ak rej bar lale

Claim in jiban eo am ikijen ejellok jerbal an Oregon enaj wor ñan juon yio, im 52 wiik jen wiik eo kwar kateruru. Ien in 52-wiik etannin yio in jiban. Kwōban baele juon claim in Oregon ekaal mae ejemlok yio eo.

Jemlok in Claim ikijen ejellok jerbal emaron bar lewaj jet melele kin claim eo am, einwot juon majej ej ba ke ejellok am claim ejejjet kinke edriklok jen 500 am awa ilo yio eo im kwar jab maron tōbrak ñan bar juon yio in claim ak melele ej ba tok ke kwōj kajitok joñan wonnam im awa jen kar jikin jerbal ko am.