Skip to main content

Teej ikijen Maron tōbrak


Imaron ke tōbrak ñan jibañ eo an ekkā ikijen an ejellok jerbal?

Bōke teej in mokta.

  1. Kwar ke jerbal ejab diklok kin 500 awa ak kolla jab diklok jen $1,000 jen juon jikin jerbal ilo "yio in jino bōnōbōn" eo am? Yio in jino bōnōbōn eo am ej kuwata ko emen jinointata jen kuwata ko lalem aliktata emoj am kar kadedelok mokta jen wiik eo kwar baele claim eo am jinointata.
  1. Ñe kwōnaj baele claim eo am jinointata ilo Janode, Babode, ak Maaj 2020, yio in jinoin bōnōbōn eo am enaj Oktoba 1, 2018 ñan Jebtomba 30, 2019.
  1. Ñe kwōnaj baele claim eo am jinointata ilo Ebrol, Mae, ak Juun 2020, yio in jinoin bōnōbōn eo am enaj Janode 1, 2019 ñan Tijemba 31, 2019.
  1. Ñe kwōnaj baele claim eo am jinointata ilo Okwoj ak Jebtomba 2020, yio in jinoin bōnōbōn eo am enaj Ebrol 1, 2019 ñan Maaj 31, 2020.
  1. Ñe kwōnaj baele claim eo am jinointata ilo Oktoba, Nobomba, ak Tijemba 2020, yio in jinoin bōnōbōn eo am enaj Julae 1, 2019 ñan Juun 30, 2020.
  1. Kwōmaron ke jerbal? "Maron jerbal" melelein kwōmaron jerbal ilo am kōjerbal kōmelij im enbwinnim.
  1. Kwōbojak ke in jerbal? "Bōjak in jerbal" melelein kwōmaron jerbal ilo an ejellok mo ko rej kōmman am jab maron ebōk jerbal (waanjoñok: abañ ikijen ialem, nañinmij, kakkije, ak ejellok rilale baamle/ajiri).
  1. Jabdewot kamool kein ilal rej ke (jen kakien ko an jidik ienjerbal ñan kwe? Jekdon ñe juon enaj jerbal, uaak eo am enaj "Aet."
  1. Ijab maron jerbal kinke inañinmij kin coronavirus.
  1. Ijab maron jerbal kinke imaron kar kebaak coronavirus im ij aikuj bed wot mweo imō.
  1. | ijab maron jerbal kinke takto eo aō ak rijerbal jen jikin ejmour eo an kien emoj aer ba in bed wot mweo imō ñan bōbrae uwōta ñan aō kebaak, ak kajeded coronavirus.
  1. Ijab maron jerbal kinke jikin jerbal eo aō emoj an kilōk ak kadiklok rijerbal kin coronavirus. Mennin ekoba kilōk ak kadiklok rijerbal kin jemlok in Bed wot Mweo Imōm, Kejbarok Mour eo an Governor eo, ak jen naan in rōjañ ko jen rijerbal ro an jikin ejmour eo an kien.
  1. Ijab maron jerbal kinke ij aikuj bed mweo imō in lale juon uwaan baamle eo aō, ak bar juon armij ij jokwe ibben im lale, im enañinmij kin coronavirus ak ej aikujin bed wot mweo imōn.
  1. Ijab maron jerbal kinke ij aikuj bed wot mweo imō in lale ajiri eo nejū kin an kilōk jikuul, jikin lale ajiri, ak jikin ko jet einwot jikin kein kin coronavirus.
  1. Emoj kajitok bwe in rool in jerbal ilo ien aō naaj rool lok enaj aikuj bwe in jab roñjak jemlok eo jen takto bwe in bed wot mweo imō ak jen jemlok in Bed wot Mweo Imōm Kejbarok Mour eo an Governor eo.
  1. Rar ke kaduoj kwe jenjerbal einwot juon ritarinae ilo allon ko 18 remootlok, im kwōj jerbal ilo Oregon ak ekkā am jerbal ak kabok jerbal ilo Oregon?
  1. Ejellok iaan naan in kamool kein rej jerbal ñan kwe. (Elañe ejellok ej jerbal, uwaak eo am ej "Aet.")
  1. Rar baere na im kar aō bōd.
  1. Ij kobalok ibben kumi in makoko in jerbal jen jikin jerbal eo aō.
  1. Ij bed io juon kakkije in jab jerbal ikijen jerbal eo aō.
  1. Ij jerbal wot kin likio in awa.

Elañe kwar uwaak Aet ñan ELŌÑ kajitok kein, kwōmaron naj tōbrak ñan jibañ ko ekkā ikijenjoortoklik eo an ejellok jerbal (Unemployment Insurance, UI). Baele claim eo jinointata ijin/Kateruru ilo am kanne claim eo am jinointata.

Elañe kwar uwaak JAB ñan ELŌÑ kajitok kein, kwōmaron naj jab tōbrak ñan jibañ ko ekkā bōtab kwōmaron naj maron tōbrak ñan jibañ eo ikijen ejellok jerbal jen jorren eo elab emoj an jelōte aoleben lal in (Pandemic Unemployment Assistance, PUA). Bōke teej eo ijin lal.

Imaron ke tōbrak ñan jibañ eo an ejellok jerbal jen jorren eo elab emoj an jelōte aoleben lal in (PUA)?

Bōke teej in elañe kwar uwaak JAB ñan ELŌÑ kajitok kein ilo teej eo an jibañ ikijen ejellok jerbal eo ekkā.

  1. Ejellok ke am jerbal ak ediklok awa in jerbal ko am jen kar mokta kin COVID-19?
  1. Kwar ke jab teru ñan juon claim ikijen ejellok jerbal eo ekkā ilo raan ko maanlok kinke kwar jab jerbal 500 awa?
  1. Kwar ke jerbal, bōtab ediklok jen 500 awa ilo Oregon ilo allon ko 18 remootlok?
  1. Emoj ke kar kakōlkōle kwe kin COVID-19, elab am nañinmij im kwōjab maron jerbal?
  1. Kwōj ke kowalok kakōlkōl in COVID-19 im kwōj kōttar jemlok in teej ak kabok jibañ in takto?
  1. Kwōbed ke ilo joñan uwōta eo elab IM emoj an takto ba kwōn bed wot mweo imōm?
  1. Kwōj ke lale juon uwaan baamle eo am ak bar juon armij kwōj bōk eddoin im ewor COVID-19 ibben?
  1. Kwōj ke bed ilo am jab maron jerbal kinke kwōj aikuj bed wot mweo imōm im lale juon ajiri ak bar juon armij kin an kilōk jikuul, jikin lale ajiri, ak jikin ko einwot jikin kein kin COVID-19?
  1. Elañe jikin jerbal eo am ear kilōk jen juon jemlok in kakien ak keij in COVID-19,
    im kwar jab maron jerbal jen mweo imōm?
  1. Kwōj ke kio armij eo elab an kolla wonnen aoleben aikuj ko an rimweo imōm kinke armij eo kar bōran mweo emoj an mij kin COVID-19?
  1. Kwōj ke jerbal ñan kwe make?
  1. Ejellok iaan naan in kamool kein rej jerbal ñan kwe. (Elañe ejellok ej jerbal, uwaak eo am ej "Aet.")
  1. Iar kamoj jerbal eo aō kin wun ko rejab ikijen COVID-19.
  1. Iar kamoj jerbal eo aō bwe in maron bōk jibañ ko an ejellok jerbal.
  1. Ij bōk kolla in kakkije, kakkije in nañinmij, ak kolla ilo aō jab jerbal ilo tōrre in.
  1. Imaron jerbal jen mweo imō bōtab ij kelet in jab.
  1. Ña juon rijerbal aurok aō jerbal, ejab bed ilo lab uwōta, im jikin jerbal eo aō emoj an ioon aoleb mennin aikuj ko ikijen kejbarok bōtab imijak in jerbal.

Elañe kwar uwaak Aet ñan JABDEWOT kajitok 1-11 IM kajitok 12, kwōmaron naj maron tōbrak ñan jibañ eo ikijen ejellok jerbal jen jorren eo elab emoj an jelōte aoleben lal in (PUA) ilo ien jorren in COVID-19. Baele claim eo jinointata ijin/Kateruru ilo am kanne claim eo am jinointata.

Elañe kwar uwaak JAB ñan AOLEBEN kajitok kein, kwōmaron naj jab maron tōbrak.