Skip to main content

ການປິດພາກຮຽນຂອງພະນັກງານໂຮງຮຽນ

ກົດ​ໝາຍ​ຂອງລັດ​ຖະ​ບານ​ກາງ ແລະ ລັດກຳ​ນົດ​ວ່າ​ຄົນ​ທີ່​ເຮັດ​ວຽກ​ໃຫ້​ສະ​ຖາ​ບັນ​ການ​ສຶກ​ສາ​ໃນ​ໄລ​ຍະ ປີ​ອ້າງ​ອີງ ຂອງ​ການ​ຮຽກ​ຮ້ອງ​ຂອ​ງ​ພວກ​ເຂົາຕ້ອງມີການກວດ​ສອບ​ໃບ​ສະ​ໝັກ​ປະ​ກັນ​ໄພ​ການ​ຫວ່າງ​ງານ​ຂອງ​ພວກ​ເຂົາ​ໃນ​ລະ​ຫວ່າງ​ໄລ​ຍະ​ການປິດ​ພາກ​ຮຽນ. ສຳ​ນວນເອ​ກະ​ສານ​ອາດ​ຈະ​ຖືກ​ກຳ​ນົດ​ໃຫ້​ມີ​ການກວດ​ສອບ​ແບບ​ທາງ​ການ​ໂດຍ​ຜູ້ຕັດ​ສິນ​ຊີ້​ຂາດ​ທີ່​ຕັດ​ສິນ​ວ່າ​ສາ​ມາດ​ນຳ​ໃຊ້ຄ່າ​ຈ້າງ​ຂອງ​ສະ​ຖາ​ບັນ​ການ​ສຶກ​ສາເພື່ອ​ຂໍ​ຮັບ​ເງິນ​ຊົດ​ເຊີຍ​ປະ​ກັນ​ໄພ​ຫວ່າງ​ງານ​ໃນໄລ​ຍະ​ການ​ປິດ​ພາກ​ຮຽນໄດ້ຫຼືບໍ່*.

ປີ​ອ້າງ​ອີງ ແມ່ນ​ສີ່​ໄຕ​ມາດທຳ​ອິດ​ຂອງ​ຫ້າ​ໄຕ​ມາດ​ສຸດ​ທ້າຍຕາມ​ປະ​ຕິ​ທິນ​ທີ່ສຳ​ເລັດ​ກ່ອນ​ປີ​ເງິນ​ຊົດ​ເຊີຍ. ຕົວ​ຢ່າງ​ເຊັ່ນ: ຖ້າ​ຫາກ​ບຸກ​ຄົນ​ສະ​ໝັກ​ຂໍເງິນ​ຊົດ​ເຊີຍ​ໃນ​ເດືອນ​ມີ​ນາ 2020, ການ​ຂໍ​ຮັບ​ເງິນ​ໃນ​ປີ​ອ້າງ​ອີງ​ປົກ​ກະ​ຕິ​ອາດ​ຈະ​ລວມ​ໄຕ​ມາດ​ທີ່ 4 ຂອງ​ປີ 2018 ຫາ​ໄຕ​ມາດ​ທີ່ 3 ຂອງ​ປີ 2019 (1 ຕຸ​ລາ 2018 ຮອດ 30 ກັນ​ຍາ 2019). ປີ​ອ້າງ​ອີງ​ປ່ຽນ​ໄປ​ຕາ​ມ​ໄ​ຕ​ມາດ​ທາງ​ປະ​ຕິ​ທິນ ແລະ ມັນ​ຖືກ​ກຳ​ນົດ​ໂດຍ​ໄຕ​ມາດ​ທີ່​ໄດ້​ຍື່ນ​ຄຳ​ຂໍ​ຮັບ​ທຳ​ອິດ.

ຖ້າ​ຫາກ​ບຸກ​ຄົນ​ບໍ່​ມີ​ຄຸນ​ສົມ​ບັດໄດ້​ຮັບປະ​ກັນ​ໄພ​ການ​ຫວ່າງ​ງານ​ໃຊ້​ປີ​ອ້າງ​ອີງ​ມາດ​ຕະ​ຖານ, ພວກ​ເຮົາ​ຈະ​ໃຊ້​ສີ່ໄຕ​ມາດ​ຕາມ​ປະ​ຕິ​ທິນ​ທີ່​ສຳ​ເລັດ​ຫຼ້າ​ສຸດ.

ໄລ​ຍະການ​ປິດ​ພາກ​ຮຽນ​ແມ່ນ​ຫຍັງ?

ໄລ​ການ​ການ​ປິດ​ພາກ​ຮຽ​ນ​ແມ່​ນເວ​ລາ​ທີ່​ນັກ​ຮຽນ​ກຳ​ລັງ​ຢູ່​ໃນ​ໄລ​ຍະພັກ​ຮຽ​ນຕາມ​ປົກ​ກະ​ຕິ. ຕົວ​ຢ່າງ: ລວມ​ມີ​ການ​ພັກ​ລະ​ດູ​ໃບ​ໄມ້ປົ່ງ ຫຼື ພັກ​ແລ້ງ. ຖ້າ​ຫາກ​ພະ​ນັກ​ງານ​ໂຮງ​ຮຽນ​ສະ​ໝັກ​ຂໍ​ປະ​ກັນ​ໄພ​ຫວ່າງ​ງານ​ໃນ​ລະ​ຫວ່າງ​ໄລ​ຍະ​ການ​ປິດ​ພາກ​ຮ​ຽນ, ການ​ຂໍ​ຮັບ​ເງິນຂອງ​ພວກ​ເຂົາ​ຕ້ອງ​ໄດ້​ຮັບ​ການກວດ​ສອບເພື່ອ​​ເບິ່ງວ່າ​ຄ່າ​ຈ້າງ​ຈາກ​ສະ​ຖາ​ບັນ​ການ​ສຶກ​ສາ​ໃນ​ປີ​ອ້າງ​ອີງ​ຂອງ​ພວກ​ເຂົາ​ສາ​ມາດນຳ​ໃຊ້ໃນ​ລະ​ຫວ່າງ​ໄລ​ຍະ​ການ​ປິດ​ພາກ​ຮຽນຫຼືບໍ່.

ຂ້າ​ພະ​ເຈົ້າ​ເຮັດ​ວຽກ​ໃຫ້​ໂຮງ​ຮຽນ​ໝົດ​ປີ. ການ​ຂໍ​ຮັບ​ເງິນ​ຂອງ​ຂ້າ​ພະ​ເຈົ້າ​ຕ້ອງ​ໄດ້​ຮັບ​ການ​ກວດ​ສອບໃນ​ໄລ​ຍະການ​ປິດ​ພາກ​ຮຽນ​ບໍ?

ອາດ​ຈະ. ມັນ​ຂຶ້ນ​ກັບ​ວ່າ​ໄລ​ຍະ​ພັກ​ຮຽນ​ໃດ​ຈະ​ຖືກ​ກວດ​ສອບ ແລະ ເວ​ລາ​ທີ່​ທ່ານ​ເຮັດ​ວຽກ​ຢູ່​ໂຮງ​ຮຽ​ນ. ການກວດ​ສອບແມ່ນ​ອີງ​ໃສ່​ໄລ​ຍະເວ​ລາ​ທີ່​ນັກ​ຮຽນ​ມັກ​ຈະ​ພັກ​ຮຽນຕາມ​ປົກ​ກະ​ຕິ, ບໍ່​ແມ່ນ​ເວ​ລາ​ທີ່​ພະ​ນັກ​ງານ​ເຮັດ​ວຽກ.

ຂ້າ​ພະ​ເຈົ້າ​ໄດ້​ເຮັດ​ວຽກ​ກັບ​ໂຮງ​ຮຽນ​ຊົ່ວ​ຄາວ, ແ​ຕ່​ໄດ້​ເຮັດ​ວຽກ​ເຕັມ​ເວ​ລາ​ຢູ່​ບ່ອນ​ອື່ນ​ຕອນ​ທີ່​ຂ້າ​ພະ​ເຈົ້າ​ຖືກ​ໃຫ້ອອກຈາກວຽກ. ກົດ​ໝາຍ​ການ​ປິດ​ພາກ​ຮຽນ​ມີ​ຜົນ​ບັງ​ຄັບ​ໃຊ້​ຕໍ່​ຂ້າ​ພະ​ເ​ຈົ້າ​ບໍ?

ແມ່ນ​ແລ້​ວ, ຖ້າ​ຫາກ​ທ່ານ​ໄດ້​ຮັບ​ຄ່າ​ຈ້າງ​ຈາກ​ການ​ສຶກ​ສາ​ໃນ​ປີ​ອ້າງ​ອີງ​ການ​ຂໍ​ຮັບຂອງ​ທ່ານ. Oregon Employment Department (ພະ​ແນກ​ການ​ຈ້າງ​ງານລັດໂອ​ເຣກອນ) ຕ້ອງ​ກວດ​ສອບການ​ຮຽກ​ຮ້ອງ​ຂອງ​ພະ​ນັກ​ງານ​ໂຮງ​ຮ​ຽນ​ຜູ້​ທີ່​ເຮັດ​ວຽກ​ເຕັມ​ເວ​ລາ, ນອກ​ເວ​ລາ ຫຼື ໃນ​ຕຳ​ແໜ່ງ​ຊົ່ວ​ຄາວ​ໃນ​ໂຮງ​ຮຽ​ນ.

ຂ້າ​ພະ​ເຈົ້າ​ໄດ້​ເຮັດ​ວຽກ​ໃຫ້​ໂຮງ​ຮຽນ​ໃນ​ອາ​ດີດ, ແຕ່​ຂ້າ​ພະ​ເຈົ້າ​ຖືກ​ປົດອອກ​ຈາກວຽກ​ອື່ນ. ການ​ຂໍ​ຮັບ​ເງິນການ​ຫວ່າງ​ງານ​ຂອງ​ຂ້າ​ພະ​ເຈົ້າ​ຕ້ອງ​ໄດ້​ຮັບ​ການ​ກວດ​ສອບບໍ?

ຖ້າ​ຫາກ​ທ່ານ​ໄດ້​ເຮັດ​ວຽກ​ໃນ​ໂຮງ​ຮຽນ​ກ່ອນ​ຈະ​ຖືກ​ຈ້າ​ງໃນ​ບ່ອນ​ເຮັດ​ວຽກ​ໃໝ່ ແລະ ຄ່າ​ຈ້າງ​ຈາກ​ໂຮງ​ຮຽນ​ຢູ່ໃນ​ປີ​ອ້າງ​ອີງ​ຂອງ​ທ່ານ, ໃບ​ສະ​ໝັກ​ຂອງ​ທ່ານ​ອາດ​ຈະ​ຕ້ອງ​ຖືກກວດ​ສອບໃນ​ແ​ຕ່​ລະ​ໄລ​ຍະ​ການ​ປິດ​ພາກ​ຮຽນ. ອັນນີ້​ບັງ​ຄັບ​ໃຊ້​ເຖິງວ່າ​ທ່ານ​ຈະ​ບໍ່​ໄດ້​ເຮັດ​ວຽກ​ໃນ​ໂຮງ​ຮຽນ​ແລ້ວກໍ່​ຕາ​ມ.

ຂ້າ​ພະ​ເຈົ້າ​ແ​ມ່ນ​ຄູ​ສອນ​ແຕ່​ຂ້າ​ພະ​ເຈົ້າ​ຍັງ​ບໍ່​ທັນ​ໄດ້​ຮັບ​ແຈ້ງ​ການ​ວ່າ​ຂ້າ​ພະ​ເຈົ້າ​ຈະ​ກັບ​ໄປ​ເຮັດ​ວຽກ​ໃນ​ລະ​ດູ​ໃບ​ໄມ້ຫຼົ່ນ​ນີ້. ຂ້າ​ພະ​ເຈົ້າ​ຈະ​ມີ​ສິດ​ໄດ້​ຮັບ​ເງິນ​ຊົດ​ເຊີຍ​ປະ​ກັນ​ໄ​ພ​ຫວ່າງ​ງານ ແລະ ຍັງ​ຕ້ອງ​ໄດ້​ຮັບການກວດ​ສອບ​ການ​ຂໍ​ຮັບ​ເງິນຂອງ​ຂ້າ​ພະ​ເຈົ້າ​ໃນ​ໄລ​ຍະ​ການ​ປິດ​ພາກ​ຮຽນ​ບໍ?

ທ່ານ​ອາດ​ຈະ​ມີ​ສິດ​ໄດ້​ຮັບ​ເງິນ​ຊົດ​ເຊີຍ​ໃນລະ​ຫວ່າງ​ໄລ​ຍະ​ການ​ປິດ​ພາກ​ຮຽນ, ຖ້າ​ຫາກ​ທ່ານບໍ່​ທັນ​ໄດ້​ຮັບ ການຮັບ​ປະ​ກັນ​ຢ່າງ​ສົມ​ເຫດ​ສົມ​ຜົນ ວ່າ​ທ່ານ​ຈະ​ໄດ້​ກັບ​ໄປ​ເຮັດ​ວ​ຽກຫຼັງ​ຈາ​ການ​ພັກ​ຮຽນ. ໂດຍ​ທົ່ວ​ໄປ​ແ​ລ້ວ, ການຮັບ​ປະ​ກັນ​ຢ່າງ​ສົມ​ເຫດ​ສົມ​ຜົນ ໝາຍ​ຄວາມ​ວ່າ​ທ່ານ​ມີ​ຂໍ້​ສະ​ເໜີ​ໃນ​ການ​ເຮັດ​ວຽກ​ໃນຄວາມ​ສາ​ມາ​ດ​ທີ່​ຄື​ກັນ ຫຼື ຄ້າຍ​ຄື​ກັນ​ໂດຍ​ມີ​ອັດ​ຕາ​ການ​ຈ້າງ​ທີ່​ຄື​ກັນ (ຫຼື ພາຍ​ໃນ 90%). ເຖິງແນວ​ໃດ​ກໍ່​ຕາມ, ພວກ​ເຮົາ​ຕ້ອງກວດ​ສອບ​ການ​ຂໍ​ຮັບ​ເງິນ​ຂອງ​ທ່ານ​ເພື່ອ​ເຮັດ​ການ​ກຳ​ນົດນັ້ນ.

ຂ້າ​ພະ​ເຈົ້າ​ໄດ້​ເຮັດ​ວຽກ​ໃຫ້​ບໍ​ລິ​ສັດ​ເອ​ກະ​ຊົນ​ທີ່​ໃຫ້​ບໍ​ລິ​ການ​ລົດ​ເມ​ໄ​ປ​ໂຮງ​ຮຽ​ນ. ກົດ​ໝາຍ​ການ​ປິດ​ພາກ​ຮຽນ​ມີ​ຜົນ​ບັງ​ຄັບ​ໃຊ້​ຕໍ່​ຂ້າ​ພະ​ເ​ຈົ້າ​ບໍ?

ບໍ່. ທຸ​ລະ​ກິດ​ທີ່​ໃຫ້​ບໍ​ລິ​ການ​ແກ່​ໂຮງ​ຮຽນ​ແມ່ນບໍ່​ຖືກ​ພິ​ຈາ​ລະ​ນາ​ວ່າ​ເປັນ​ພະ​ນັກ​ງານ​ຂອງ​ການ​ສຶກ​ສາ ແລະ ບໍ່​ຖືກກວດ​ສອບ​ໃນ​ໄລ​ຍະການ​ປິດ​ພາກ​ຮຽ​ນ.

ຂ້າ​ພະ​ເຈົ້າ​ໄດ້​ເຮັດ​ວຽກ​ໃນໂຮງ​ຮຽນ, ແຕ່​ຂ້າ​ພະ​ເຈົ້າ​ບໍ່​ແມ່ນ​ຄູ​ສອນ. ກົດ​ໝາຍ​ການ​ປິດ​ພາກ​ຮຽນ​ມີ​ຜົນ​ບັງ​ຄັບ​ໃຊ້​ຕໍ່​ຂ້າ​ພະ​ເ​ຈົ້າ​ບໍ?

ມັນ​ແລ້ວ​ແຕ່. Oregon Employment Department (ພະ​ແນກ​ການ​ຈ້າງ​ງານ​ລັດໂອ​ເຣກອນ) ບໍ່​ກວດ​ສອບ​ໄລ​ຍະ​ການ​ປິດ​ພາກ​ຮຽນ​ຂອງ​ພະ​ນັກງານ​ທີ່​ໃຫ້​ບໍ​ລິ​ການທຳ​ຄວາມ​ສະ​ອາດ ຫຼື ຜູ້​ທີ່​ເຮັດ​ວຽກ​ໃນ​ການ​ດຳ​ເນີນ​ງານ ແລະ ເບິ່ງ​ແຍງ​ດູ​ແລ​ສິ່ງ​ອຳ​ນວຍ​ຄວາມ​ສະ​ດວກ​ຂອງ​ໂຮງ​ຮຽ​ນ.

ຂ້າ​ພະ​ເຈົ້າ​ເປັນ​ຄູ​ສອນແທນ, ແຕ່​ຈ້າ​ພະ​ເຈົ້າ​ເຮັດ​ວ​ຽກ​ໜ້ອຍຊົ່ວ​ໂມງ​ໃນ​ໂຮງ​ຮຽນ. ການ​ຂໍ​ຮັບ​ເງິນການ​ຫວ່າງ​ງານ​ຂອງ​ຂ້າ​ພະ​ເຈົ້າ​ຕ້ອງ​ໄດ້​ຮັບ​ການ​ກວດ​ສອບບໍ?

ແມ່ນ​ແລ້​ວ, ຖ້າ​ຫາກ​ທ່ານ​ໄດ້ເຮັດ​ວຽກ​ໃນ​ຊົ່ວ​ໂມງ​ເຫຼົ່າ​ນັ້ນ​ຢູ່ໃນ​ປີ​ອ້າງ​ອີງ​ການ​ຮຽກ​ຮ້ອງຂອງ​ທ່ານ. ຄູ​ສອນ​ແທນ​ຖືກກວດ​ສອບ​ພາຍ​ໃຕ້​ກົດ​ໝາຍ​ອັນ​ດຽວ​ກັນ​ກັ​ບ​ພະ​ນັກ​ງານ​ໂຮງ​ຮຽນ​ຄົນ​ອື່ນ​ໆ.

ມັນ​ຈະ​ໃຊ້​ເວ​ລາ​ດົນ​ປານ​ໃດ​ໃນ​ການກວດ​ສອບການ​ຂໍ​ຮັບ​ເງິນ​ພາຍ​ໃຕ້​ກົດ​ໝາຍ​ການ​ປິດ​ພາກ​ຮຽນ?

ການຂໍ​ຮັບ​ເງິນໃນ​ໄລ​ຍະ​ປິດ​ພາກ​ຮຽນ​ຂອງ​ແຕ່​ລະ​ໂຮງ​ຮ​ຽນ​ຕ້ອງ​ໄດ້​ຮັບ​ການ​ກວດ​ສອບ. ຂະ​ບວນກ​ານນັ້ນ​ສາ​ມາດ​ໃຊ້​ເວ​ລາ​ເຖິງ 14 ອາ​ທິ​ດ.

ຂ້າ​ພະ​ເຈົ້າ​ໄດ້​ເຮັດ​ວຽກ​ກ່ອນ​ເລີ່ມ​ຕົ້ນ (Head Start) ແລະ ການ​ຂໍ​ຮັບ​ເງິນຂອງ​ຂ້າ​ພະ​ເຈົ້າ​ແມ່ນຖືກ​ລະ​ງັບ​ຈາກ​ກົດ​ໝາຍ​ການ​ທົບ​ທວນການ​ປິດ​ພາກ​ຮຽນ. ໝູ່​ຂອງ​ຂ້າ​ພະ​ເຈົ້າ​ເຮັດ​ວ​ຽກ​ກ່ອນ​ເລີ່ມ​ຕົ້ນ (Head Start) ແລະ ໄດ້​ຮັບ​ເງິນ​ຂອງ​ພວກ​ເຂົາ. ມັນ​ເກີດ​ອັນ​ໃດຂຶ້ນ?

ຖ້າ​ຫາກ​ທ່ານ​ເຮັດ​ວຽກ​ໃຫ້​ກັບ​ສະ​ຖາ​ບັນ​ການ​ສຶກ​ສາ​ທີ່​ໃຫ້​ບໍ​ລິ​ການກ່ອນ​ເລີ່ມ​ຕົ້ນ (Head Start), ທ່ານ​ຕ້ອງ​ໄດ້​ຮັບ​ການກວດ​ສອບ​ການ​ຂໍ​ຮັບ​ເງິນຂອງ​ທ່ານ​ໃນລະ​ຫວ່າງ​ໄລ​ຍະ​ການ​ປິດ​ພາກ​ຮຽ​ນ. ຖ້າ​ຫາກ​ທ່ານ​ເຮັດ​ວຽກ​ໃຫ້​ກັບອົງ​ການ​ຈັດ​ຕັ້ງບໍ່​ຫວັງຜົນ​ກຳ​ໄລ ຫຼື ຄາວ​ຕີ້​ທີ່​ໃຫ້​ບໍ​ລິ​ການກ່ອນ​ເລີ່ມ​ຕົ້ນ (Head Start), ການ​ຂໍ​ຮັບ​ເງິນ​ຂອງທ່ານຈະບໍ່​ຈຳ​ເປັນ​ຕ້ອງ​ໄດ້​ຮັບ​ການກວດ​ສອບໃນລະ​ຫວ່າງ​ໄລ​ຍະ​ການ​ປິດ​ພາກ​ຮຽ​ນ.

ຖ້າ​ຫ​າກຂ້າ​ພະ​ເຈົ້າບໍ່​ສາ​ມາດ​ໃຊ້​ຄ່າ​ຈ້າງ​ຈາກ​ໂຮງ​ຮຽນຂອງ​ຂ້າ​ພະ​ເຈົ້າ​ໃນລະ​ຫວ່າງ​ໄລ​ຍະ​ການ​ປິ​ດ​ພາກ​ຮຽນ, ຂ້າ​ພະ​ເຈົ້າ​ຍັງສາ​ມາດໄດ້​ຮັບ​ເງິນ​ຊົດ​ເຊີຍ​ການ​ຫວ່າງ​ງານ​ຈາກ​ວຽກ​ອື່ນຂອງ​ຂ້າ​ພະ​ເຈົ້າບໍ?

ຖ້າ​ຫາກ​ທ່ານ​ໄດ້​ຮັບ​ຄ່າ​ຈ້າງ​ໃນ​ປີ​ອ້າງ​ອີງ​ທີ່​ທ່ານບໍ່ໄດ້​ມາຈາກ​ສະ​ຖາ​ບັນ​ການ​ສຶກ​ສາ, ພວກ​ເຮົາ​ສາ​ມາດ​ໃຊ້​ຄ່າ​ຈ້າງເຫຼົ່າ​ນັ້ນເພື່ອ​ເບິ່ງວ່າ​ທ່ານ​ມີ​ຄຸນ​ສົມ​ບັດ​ໄດ້​ຮັບ​ຈຳ​ນວນ​ເງິນ​ຊົດ​ເຊີຍ​ປະ​ຈຳ​ອາ​ທິດ​ທີ່ຫຼຸດ​ລົງຫຼື​ບໍ່. ເພື່ອ​ໃຫ້ມີ​ຄຸນ​ສົມ​ບັດ​ໄດ້​ຮັບ​ການ​ຂໍ​ຮັບ​ເງິນ​ຄ່າ​ຈ້າງ​ທີ່ບໍ່​ແມ່ນ​ການ​ສຶກ​ສາ, ທ່ານ​ຈະ​ຕ້ອງ​ມີ​ຊົ່ວ​ໂມງ​ການ​ເຮັດ​ວຽກ 500 ຊົ່ວ​ໂມງ ຫຼື ຄ່າ​ຈ້າງ​ທີ່​ເ​ທົ່າ​ກັບ 1.5 ເ​ທື່ອ ຂອງ​ໄຕ​ມາດ​ອ້າງ​ອີງທີ່​ສູງ.

ຂ້າ​ພະ​ເຈົ້າ​ມີ​ຄຸນ​ສົມ​ບັດ​ໄດ້​ຮັບ​ໂຄງ​ການ Benefits While You Wait (ເງິນ​ຊົດ​ເຊີຍ​ໃນ​ຂະ​ນະ​ທີ່​ລໍ​ຖ້າ)​ໃນ​ຂະ​ນະ​ທີ່ການ​ຮຽກ​ຮ້ອງ​ເງິນ​ຫວ່າງ​ງານ​ຂອງ​ຂ້າ​ພະ​ເຈົ້າກຳ​ລັງຖືກກວດ​ສອບ​ບໍ?

ມັນ​ແລ້ວ​ແຕ່. ຖ້າ​ຫາກ​ເຫດ​ຜົນ​ດ​ຽວ​ທີ່​ທ່ານບໍ່​ໄດ້​ເຮັດ​ວ​ຽກ​ແມ່ນ​ຍ້ອ​ນ​ໄລ​ຍະ​ການ​ປິດ​ພາກ​ຮຽນ, ທ່ານ​ອາດ​ຈະ​ບໍ່​ມີ​ສິດໄດ້​ຮັບ​ໂຄງ​ການ Benefits While You Wait (ເງິນ​ຊົດ​ເຊີຍ​ໃນ​ຂະ​ນະ​ທີ່​ລໍ​ຖ້າ). ຖ້າ​ຫາກ​ການ​ຮຽກ​ຮ້ອງ​ຂອງ​ທ່ານ​ກ່ຽວ​ຂ້ອງ​ກັບ​ໂຄວິດ, ທ່ານ​ອາດ​ຈະ​ມີ​ສິດໄດ້​ຮັບ Benefits While You Wait (ເງິນ​ຊົດ​ເຊີຍ​ໃນ​ຂະ​ນະ​ທີ່​ລໍ​ຖ້າ). ພະ​ນັກ​ງານ​ຂອງ Oregon Employment Department (ພະ​ແນກ​ການ​ຈ້າງ​ງານລັດໂອ​ເຣກອນ) ກຳ​ລັງ​ຕິດ​ຕໍ່​ກັບ​ຄົນ​ທີ່​ມີຄຸນ​ສົມ​ບັດ​ໄດ້​ຮັບ​ໂຄງ​ການນີ້. ທ່ານບໍ່​ຈຳ​ເປັນ​ຕ້ອງ​ຕິ​ດ​ຕໍ່ຫາ​ພວກ​ເຮົາ.

*ຄຳຕັດ​ສິນ​ແມ່ນ​ອອກມາພ້ອມ​ກັບ​ຂໍ້​ມູນ​ທີ່​ມີ​ໃຫ້. ຖ້າ​ຫາກ​ສະ​ຖາ​ນະ​ການ​ຂອງ​ບຸກ​ຄົນ​ນັ້ນ​ປ່ຽນ​ແປງຫຼັງ​ຈາກ​ອອກຄຳ​ຕັດ​ສິນໃຫ້​ແລ້ວ, ພວກ​ເຮົາ​ຈະ​ເປີດ​ການ​ສອບ​ສວ