Su'aalaha Inta Badan La Isweeydiiyo

Fasax mushaharka leh waa marka aad qaadanayso mushahar laakiin aanad shaqaynin. Waxaa weeye caadiyan marka cida aad u shaqaysaa ay kugu siiso mushahar wakhtiga aad fasaxa tahay, dalxiiska ku maqan tahay ama maalmaha aad xanuunsanayso. Waxay sidoo kale noqon kartaa hadii aad sugayso in "laguu yeedho" ama tahay "heegan." Hadii aad ku jirto fasax mushahar leh oo cida aad iminka ku shaqayso ah, waa inaad ka warbixisaa dakhligaas isaga oo todobaado ah ee aad ka maqan tahay shaqada - fasax, dalxiis ama hadii aad xanuunsanayso. Hadii cida aad u shaqayso ay mushahar kugu siiso in aanad soo shaqo tegin ama aad ku jirto heegan, waa inaad dakhligaagaas kaga warbixisaa todobaado isaga oo ah dalabkaaga, xataa hadii aanad qaadan lacag isla todobaadkaas.   
Waa in aanad kaga warbixisaa dhamaan dakhligaaga todobaad kasta dalabkaaga. Todobaadku waa inta u dhaxaysa Axada ilaa Sabtida.

Hadii aad qaadato fasax mushahar leh oo ka badan 45 maalmood laga bilaabo maalinta aad shaqada ka fadhiisatay, kala xidhiidh UI Center halkan  ama la hadal 1-877-345-3484.

Hadii aanad soo sheegin dakhliga saxda ah, waxay keeni kartaa in lacag dheeraad  ah lagu siiyo oo dalabkaaga ah oo ay noqonayso inaad gudo. Hadii aad qariso macluumaad ama aad soo sheegto macluumaad khaldan adiga oo u kasaya, markaa waa khiyaano. KHIYAANADU WAA DANBI oo waxay keeni kartaa ganaax oo waxaa kamid ah ciqaab danbi.

Waa in aanad kaga warbixisaa dhamaan dakhligaaga todobaad kasta dalabkaaga. Waxa aad heli kartaa sadex meelood oo meel xadiga gunada todobaadkii (WBA) ama 10 jeer wax ka yar mushaharka ugu yar ee ugu badan Oregon, kolba ka badan, kahor inta aanad doolar-doolar loo yarayn gunooyinkaaga.

Si aad u hesho gunooyinka, waa inaad, diyaar u tahay, oo aad si firfircoon u doon doonataa shaqada todobaadkii ee faylka aad dalbanayso. Waa inaad sidoo kale dhamaystirtaa hawlaha baadhitaanka shaqada todobaad kasta si aad u hesho gunooyinka.

Waa inaad si sax ah uga soo warbixisaa dakhligaaga. Xataa khaladka aan loo kasin ayaa keeni kara in lacag dheeraad ah lagugu siiyo dalabkaaga oo keeni kara inaad gudo. Hadii aad qariso macluumaad ama aad soo sheegto macluumaad khaldan adiga oo u kasaya, markaa waa khiyaano. KHIYAANADU WAA DANBI oo waxay keeni kartaa ganaax oo waxaa kamid ah ciqaab danbi.

Hadii aad xaraynayso gunooyinkaaga caymiska bilaa shaqada ah oo aad shaqayso wax ka yar labada gelinba, waxa aad u qalmi kartaa gunooyinka - ilaa inta aad heleyso wax ka yar xadiga gunada ee todobaadkii aad xaq u leedahay. Waa inaad ka warbixisaa wadarta saacadaha iyo isugayn dakhliga todobaadkii aad shaqaysay, xataa hadii aanad weli qaadan mushaharka. Todobaadku waa inta u dhaxaysa Axada ilaa Sabtida.

Noocyo kale oo lacag ah oo ay tahay in laga warbixiyo waxaa kamid ah fasaxa mushaharka leh, tilmaamo, khidmado, dakhliga is u shaqaysiga, iyo bakhshiis. Nagala soo xidhiidh halkan  ama kala soo hadal UI center 1-877-345-3484 wixii su'aalo ah ee ku saabsan ka warbixinta dakhligaaga ama tilmaamaha looga warbixiyo lacagta, khidmada, iyo dakhliga is u shaqaysiga.

MAAHA inaad soo sheegto aadkaanshaha lacagta, saxnaanta fasaxa kadib marka aad ka tagto shaqada, laxaad la'aanta aanay lacagta kugu siinin cida aad u shaqaysaayi, Sooshaal Sekuuritiga, lacagta dhaawaca shaqada, iyo dakhliga maalmaha fasaxa todobaadkii ama sanadkii ee dalabkaaga todobaadkii ee gunooyinkaaga. 

Hadii aad qaadato lacag hawlgab ah ama aad qaadan doonto gunadaada sanadku inta ay socoto, waa inaad noo sheegtaa, caadiga marka aad dalbanayso arjiga cusub. Maaha inaad ka warbixiso lacagta hawlgabka ah ee aad qaadatay ee dalabkaaga todobaadkii.

Shuruucda federalka iyo gobolku waxay nooga baahan yihiin in aanu yarayno gunooyinkaaga todobaadkii, doolar-doolar, taas oo ku salaysan xaiga gunooyinka hawlgabka ah ee aad qaadato — hadii cida aad u shaqyaso oo ku jirta dalabkaaga sanadkii ama maamulaha ururka ee gunooyinka hawlgabkaas. Marar kaas oo kale, waxa aanu u diri doonaa habeeyo qiimeeya dalabkaaga oo sheega haidi lacagta hawlgabku saamaynayso gunooyinkaaga. Hadii aanu ogaano in taasi saamaynayso gunooyinkaaga, waxa aanu markaba ku dabici doonaa dalabkaaga oo waxaanu soo saari doonaa go'aan faahfaahsan. 

Barnaamijka TUI waxa uu u ogolaadaa shaqaalaha u qalma inay dhigtaan dugsiga iyaga qaadanaya gunooyinka caymiska bilaa shaqada. Waxa ay u furan tahay shakhsiyaadka waayay shaqadooda oo waxay u badan tahay inay kasii shaqayn doonaan shaqadooda.

Barnaamijku MA bixiyo waxbarashadaada ama tobobarka; laakiin, waxa uu kaa daynayaa shuruudaha baadi goobta shaqada adiga inta aad ku jirto waxbarashada labada gelinba ah hadii laguu ansixiyo barnaamijka.

Barnaamijka TUI waxaa loogu talo geley tobobar mudo gaaban ah (oo waxaa kamid ah digrii laba sano ah, laakiin digrii aan la wareegin) ama waxaa loo adeegsan karaa tobobarka gacanta. LOOGUMA talo gelin barnaamijka digriiga sare sida barnaamijka bajalarka ama digriiga maasterka. Waxaa laga soo reebi KARAA hadi aad qaadatay 48 dhibcood marka aad buuxiso digriiga.

Hadii aad ku jirto barnaamijka Caymiska Bilaa Shaqada (TUI) oo aad heshey wargelintaada ansixita, shuruudahaaga baadhitaanka shaqada, shuruudaha baadi goobka shaqadu KUMA khuseeyaan. Hadii aanad dalban YUI laakiin aanad helin wargelinta la ansixiyay, waa inaad weli si firfircoon u doonataa shaqada todobaad kasta oo aad ka warbixisaa dadaalkaaga shaqo doon doonashada.

Guji halkan si aad u ogaato macluumaadka TUI ama kala hadal Qaybta Barnaamijyada Gaarka ah 503-947-1800.

Waxa aad dalban kartaa barnaamijka Kaalmada Is U Shaqaysashada (SEA) hadi aad qorshaynayso inaad bilawdo ganacsigaaga. Hadii laguu ansixiyay SEA, waxa aad haysan kartaa waxa kaaga soo baxa ganacsigaaga OO waxa aad dalban kartaa gunada lacagta ee buuxda ee todobaadkii. Waxa sidoo kale laagaa dhaafayaa shuruudaha baadi goobka shaqada inta aad gebi ahaanba iskaa u shaqaysato.

Kala hadal Xarunta Barnaamijyada Gaarka ah UI 503-947-1800 si aad u ogaato hadii aad u qalanto. Hadii lagaa aqbalo barnaamijka, waxa aad heli doontaa wargelinta la ansixiyay iyo shuruudahaaga SEA ee todobaadkii.

Ka oggow SEA halkan ama kala hadal Qaybta Barnaamijyada Gaarka ah 503-947-1800.

Work Share waxaa weeye barnaamij cida aad u shaqayso ay u dalban karto shaqaalahooda marka aad lagaa eryo shaqada. Work Share, halkii ay yarayn lahaayeen shaqaalaha, cida loo shaqeeyaa waxay yaraynaysaa saacadaha shaqada ee kooxda shaqaalaha ah. Gunooyinka Caymiska Bilaa Shaqada Qaybta ah kadibna waxaa la siiyaa shaqaale dheeraad ah oo mushahar yar ah.

Ka oggow Work Share halkan ama kala hadal Qaybta Barnaamijyada Gaarka ah 503-947-1800.

Lacag dheeraad bixintu waxay dhacdaa marka aad qaadato guno aanad xaq u lahayn. Lacag dheeraad ah qaadashadu waxay ku timaadaa sababo badan. Waa kuwan sababaha ugu caansan ee keena bixinta lacagta dheeraad ah:
•    Warbixin khaldan oo dakhliga ah ee sheegashada todobaadkii
•    Lacag bixin khaldan ama aan la sheegin oo hawlgabka ah
•    Go'aamaha maamul ee kuu ogolaanaya in gunooyinkaaga wax lagaga badalo rafcaan
•    Lacagta la bixiyay kahor inta aan la ogaan mushkilad dalabkaaga ah
•    Macluumaad khaldan ama laga reebo marka la qaadanayo gunooyinka aanad xaqa u lahayn
•    Xadiga gunada oo isbadalay maadaama oo uu dhacay sixitaan mushaharka asalka ah
•    Khalad maamul oo dalabkaaga ah
•    Khalad aan la sixin wakhtiga la xaraynayo

Hadii aad qaadatay lacag badan, waxa aanu boosta kuugu soo diri doonaa go'aanka maamulka. Waxa ay sheegeysaa sababta lacagta dheeraadka ah laguu siiyay iyo wadarta xadiga lagugu leeyahay. Waxaa sidoo kale kamid ah tilmaamaha sida aad u dalbanayso dhagaysi hadii aanad ogolayn xadiga dheeraadka ah ee lagu siiyay. Wixii ka danbeeya, waxa aanu kuu soo diri doonaa bayaanka kharash dalicida. Bayaanka kharash dalicidu waxa uu kuu sheegayaa wakhtiga cad ee ay tahay inaad ku bixiso ama in qaadida la ay bilaabmayso. Bayaanku waxa uu noqon karaa digniin, laakiin waxa uu ku siinayaa ikhtiyaaro sida aad uga jawaabayso wargelinta daynbta.
Hadii aad sabab u tahay lacagta dheeraadka ah, oo aad doonayso inaad doonayso inaad daynta aad mar kaliya wada bixiso, raac tilmaamaha bayaanka si aad u bixiso lacagta. Waxa aad sidoo kale lacagta ku bixin kartaa Nidaamka  Dalabka Onleynka ah. Hadii aad qabto su'aalo ama baahi samaysashada qorshaha lacagta, nagala soo hadal 503-947-1710 si aad noogala hadasho aragtidaada.

Hadii AANAD keenin lacagta dheeraadka ah ee aanu ku siinay oo aanad awoodin in aad bixiso, waxa aad dalban kartaa ka tanaasulka si markaa aanad u gudin daynta. Ka oggow macluumaad dheeraad ah ka tanaasulka.

Hadii aad heshey wargelinta lacagta dheeraadka ah ee lagu siiyay, waxa ay noqon kartaa in aanad gudin lacagta. Waxa aanu kugu dhiiri gelinaynaa inaad dalbato ka tanaasulka gudista hadii gudista lacagta oo dhan ay kugu keeneyso xaalad dhaqaale oo kale. Waxa aad dalban kartaa ka tanaasulka adiga oo buuxinaya oo gudbinaya foomka ka tanaasulka ee la socday go'aanka lacagta dheeraadka ah ee lagu siiyay.

Hadii aanad helin foomka ka tanaasulka marka aad heshey go'aankaaga, waxa aad buuxin kartaa foomka onleynka ah:
•    Hadii aad qaadatay lacag dheeraad ah oo gunooyinka gobolka ah - kaas oo ah caymiska gunada joogtada ah - waxa aad isticmaali lahayd foomka ka tanaasulka gobolka .
•    Hadii aad qaadatay lacag dheeraadka ah oo gunooyinka federalka ah sida Kaalmada Bilaa Shaqada Safmarka (PUA), Gunada Bilaa Shaqada Safmarka Federalka (FPUC), ama Kaalmada Mushaharka La Waayay (LWA), waa inaad isticmaasho foomka ka tanaasulka ee federalka .

Hadii aanad helin wargelin lacagta dheeraadka ah ee lagu siiyay ama aad doonayso in lagaa caawiyo sidii aad u ogaan lahayn foomka ka tanaasulka ee aad isticmaalayso, isticmaal foomkeena Nala Soo Xidhiidh   ee onleynka ah ama la hadal 503-947-1995.

Khiyaanada caymiska bilaa shaqada waxaa weeye in si ula kac ah looga bixiyo warbixin khaldan ama in laga reebo macluumaad si loo helo gunooyinka. Hadii aad si u kas u qariso macluumaad ama aad soo sheegto macluumaad khaldan, markaa waa khiyaano. KHIYAANADU WAA DANBI oo waxay keeni kartaa ganaax oo waxaa kamid ah ciqaab danbi.

Tusaaleyaasha khiyaanada waxaa kamid ah:
•    Ka warbixin la'aanta diidmada shaqo ama shaqaynta inta la dalbanayo gunooyinka
•    Bixinta macluumaad khaldan ama haynta macluumaad si loo gelo gunooyinka
•    In laga warbixin waayo dhamaan dakhliga kusoo gala marka aad xaraynayso gunooyinka todobaadkii
•    In aan laga warbixin kala qayb sanaanta shaqada si sax ah
•    Xaraynta dalabka iyada oo la adeegsanayo aqoonsi qof kale

Todobaadyada Ganaaxa

Hadii aad ku kacdo khiyaano, waxaa lagu ganaaxi karaa 52 todobaad kahor inta aanad helin gunooyinka mustaqbalka, sidoo kale waxa aad gudaysaa lacagta dheeraadka ah ee gunada ee lagu siiyay. Waa inaad xaraysaa dalabka todobaadkii hadii aad doonayso inaad dalbato ganaaxa todobaadkii halkii aad ka bixin lahayd. Lacagaha gunada ee caadiga ah waxa ay dib u bilaabmi doonaan marka aad dhamaystirato todobaadyada ganaaxa ama aad gudo lacagta dheeraadka ah ee qaadatay.

Lacagta Dheeraadka ah ee Lagu Siiyo ee Khiyaarada UI

Hadii lacagta dheeraad ah aad ku qaadatay maadaama oo aad si badheedh ah ugu kacday khiyaano, waxa aad gudi doontaa gunooyinka aad ku heshey sida khaldan. Waxa aad sidoo kale bixin kartaa 15-30% oo ganaax ah oo wadarta guud ee lacagta dheeraadka ah ee aad qaadatay ah. Waxa aanu qaadi karnaa talaabo aanu ku uruursanayso lacagta dheeraadka ah ee aanu bixinay, oo waxaa kamid ah ganaaxa iyo ribada lagu bixiyo waaranka, iskaashiga hantida, bixinta mushaharka, bilawga gunooyinka aad sida kale ugu qalanto, iyo baajinta deeqdaada cashuurta gobolka iyo federalka. Waxa dhici karta in sidoo kale lagu ciqaabo.

Dambiilayaashu waxay isticmaalaan aqoonsiyo dad oo la xaday si ay u qaataan gunoyinka si khiyaano ah gobolo badan. Khiyaanoolayaasha ka danbeeya khiyaanada UI waxa aad isticmaalaan lambarka Sooshiyaal Sikiyuuritiga iyo macluumaadka kale ee aqoonsiga ee shakhsi ahaaneed si ay u dalbadaan oo ay u helaan gunooyinka UI.

Haybtaada waa la xaday hadii:
•    Aad naga hesho warqad ku saabsan dalabkaaga bilaa shaqada oo aanad xaraynin dalab.
•    Aad heshey jeega gunada bilaa shaqada ah oo aanad xaraynin dalabka gunooyinka UI.
•    Cida aad u shaqaysaa waxay kuu sheegeysaa inay heleen wargelino Waaxda Shaqaalaha ee aad xaraysay dalabka oo aanad xaraynin dalab.
•    Hadii aad hesho foomka 1099G ee sanad cashuurteed oo aanad xaraynin dalabka gunooyinka caymiska bilaa shaqada sanadkaas. Hadii ay sidan tahay, si dhakhso ah noola soo xidhiidh. Hadii aanu xaqiijino in haybtaada la xaday, maaha inaad soo sheegto dakhligaaga 1099G.

Hadii aad u aragto inaad dhibane u tahay xatooyada haybta, kasoo warbixi sida ugu dhakhsaha badan adiga oo buuxinaya foomkan , ama adiga oo kala hadalaya Waaxda Shaqaalaha Oregon 503-947-1995 (taleefan bilaash ah 877-668-3204). Xubin kooxda ah ayaa kuula soo xidhiidhi doonta wixii ku saabsan dalabkaaga xatooyada haybtaada.

Waxa aad ka heli kartaa macluumaad dheeraad ah oo ku saabsan waxa aad samaynayso hadii aad ka kulanto xatooyo hayb halkan .

Hadii aad ogaato ama aad ka shakido in qof uu si sharci daro ah u qaato gunooyinka caymiska bilaa shaqada ah, isla markaba nasoo gaadhsii. Foomkan lagaga warbixiyo khiyaanada waxaa lagu heli karaa Ingiriisi  ama Isbaanish . Waxa aad sidoo kale nagala soo hadli kartaa 503-947-1995 ama taleefanka bilaashka ah 877-668-3204.

Waxa aanu akhrin doonaa dhamaan tilmaamaha, ku saabsan inta uu le'eg yahay macluumaadka aad bixisay. Markasta oo aad macluumaad dheeraad ah bixiso oo ku saabsan khiyaanada bilaa shaqada ee aad ka warbixiso, waxaa noo fududaanaysa baadhitaankeena.

Marka laga tago magaca shakhsiga iyo hawlaha khiyaano, faahfaahinta sida cinwaanka, da'da ama taariikhda dhalashada, iyo lambarka Sooshiyaal Sikiyuuritiga si uu nooga caawiyo in aanu garano haybta qofka ku jira duwaanadeena dalabka.

Hadii aad ka warbixinayso qof shaqeeya isaga oo sidoo kale qaata gunooyinka, waxa aad noo sheegtaa magaca iyo cinwaanka cida uu u shaqeeyo iyo mudada shakhsi uu shaqaynayay si ay nooga caawiso in aanu ogaano hawsha khiyaanada ah.

Waxa aanu ilaalin doontaa sirta macluumaadka aad na siisay, oo waxa aad dalban kartaa inay haybtaadu qarsoonaato marka aad ka warbixinayso khiyaano. Laakiin, sharciga sirta daryeed, kuuma sheegi karno natiijada wixii baadhitaan ah ee ku salaysan macluumaadka aad nasiisay. Waxa aanu kaaga mahadnaqaynaa kaalmadaada.

U qalanka caymiska bilaa shaqada ah waxa uu leeyahay laba qaybood oo waawayn. Ka kowaad, waa inaad leedahay shaqo kugu filan iyo dakhli sanadkaaga rasmiga ah si aad u awoodo inaad xaqiijiso dalabkaaga ee xadiga gunada todobaad ee aad heleyso. 
Sanadkaaga aas aaska ahi waxaa weeye caadiyan 12-bilood mudo ah oo soo dhax yaal mudo 18 bilood oo hore ah. Sanadka aas aaska ah, waa inaad u shaqaysay loo shaqeeye caymis leh ugu yaraan 500 oo saacadood ama aad heshey ugu yaraan $1,000.
Gunooyinkaaga todobaadku waxaa weeye 1.25% wadarta aas aaska ah ee dakhliga isugaynta ah ee sanadkii. Sida uu dhigayo sharciga Oregon, kama yaraan doonto xadiga ugu yaran ama kama badnaan doonto xadiga ugu badan ee aad heli karto.

Kadib, waa inaad buuxisaa shuruudo u qalan oo todobaadkii ah si aad u hesho gunooyinka dalabkaaga. Waxa aanu eegnay sababta aad bilaa shaqada u tahay ama aanad u shaqaynaynin labada gelinba. Waxa aanu xaqiijinay hadii aad awoodo inaad shaqayso, diyaar u tahay shaqada, oo aad si firfircoon u doon doonayso shaqo. Iyo ugu danbayn, waa inaad eegtaa aas aasiyaadka shaqadaada todobaadkii iyo dakhligaaga, hadii ay jiraan. 
Dalabka saxda ah waxa uu shaqeeyaa 52 todobaad kahor inta aanu dhicin oo waxaa lagu siin karaa ilaa 26 todobaad gunooyin ah markiiba. Marka uu dhaco, waa inaad xaraysaa arji cusub si aad u aragti hadii aad u qalanto gunooyinka. 
Hadii aanu dalabku dhicin laakiin aad isticmaashay dhamaan gunooyinka aad heli karto, ma xarayn kartid dalabkaaga Oregon ilaa inta uu dhacayo. Hadii aanad ka shaqaynin gobol kale 18 bilood ee lasoo dhaafay, waxa aad u qalmi kartaa inaad xarayso arji dalab ucsub oo gobolkaas ah. La xidhiidh gobolka kale ee aad wax badan uga ogaato u qalanka iyo gunooyinka.

Si aad macluumaad badan uga ogaato sanadka aas aasiga ah iyo saacada iyo dakhliga loogu baahan yahay xaqiijinta dalabka, waa kuwan waxoogaa khayraad ah oo aad heli karto:
Akhri macluumaad dheeraad ah oo ku saabsan sanadka aas aasiga ah iyo dakhliga iyo saacadaha loo baahan yahay si dalab sax ah loo sameeyo. 
Ka oggow inta aad ku heli karto gunooyinka agabka onlaynka ah ee Qiimeeyaha Gunada . 
Akhri Buuga Dalabka , oo ay ku jiraan macluumaad dheeraad ah oo ku saabsan sanadka aas aasiga ah iyo dakhliga iyo saacadaha loo baahan yahay si dalab sax ah loo sameeyo. 

Sanadka Aas Aasiga ah
Sanadka aas aasiga ah waxaa weeye mudo hal sano ah oo ka kooban afarta hore ee shan sadex bilood oo dhamaystiran. Waxay ku salaysan yahay taariikhda aad xaraysay arjigaaga dalabka, e maaha taariikhda aad bilaa shaqada noqotay. Hadii aanad u qalmin dalabka adiga oo isticmaalaya sanadka aas aasaska ah, waxa aanu si toos ah u qiimayn doonaa dalabkaaga si aanu u aragno hadii aad u qalanto sanad aas aas oo kale. Sanadka aas aaska kale waxa uu isticmaalaa afarta ugu danbeeyay ee sadex bilood ee dhamaystiran.
Sadexda bilood waxaa weeye mudo sadex bilood ah oo ku dhamaata Maarso 31, Juun 30, Sebteember 30, ama Diseember 31.
Mushaharka iyo Saacadaha Loo Baahan Yahay
Waxaa jira laba dariiqo oo loogu qalmi karo dalabka saxda ah:
•    Waxaa lagu siiyay ugu yaraan $1,000 oo mushaharka mawduuca ah sanadkaaga aas aasiga ah, oo
•    Wadarta mushaharka sanadkaaga aas aasiga ah waa ugu yaraan hal iyo badh jeer mushahar la bixiyay sadexda bilood ee ugu sareeya sanadka aas aasiga ah.
AMA
•    Waxa aad shaqaysay ugu yaraan 500 saacadood oo waxaa lagu siiyay mushahar qof shaqeeyay sanadka aas aasiga ah. Mushaharka qofka waxaa loo helaa sida loo shaqeeyuhu u bixiyay cashuurta UI.

Hadii aanad buuxin shuruudaha saacadaha iyo dakhliyada aad u qalanto, dalabkaagu maaha sax. Waxa aad dib u xarayn kartaa bilawga sadexda bilood si aad u aragto hadii aad u qalanto gunooyinka isla markaa. 

Sida kaliya ee lagu ogaan karo hubintada haddii aad u qalanto claim waa inaad xeraysato codsasho cusub, oo loo yaqaan initial claim. Aad Frances Online si aad u xaraysato initial claim. Waxaad sidoo kale ka wici kartaa UI Contact Center 877-345-3484 oo dooro ikhtiyaarka aad ku xereyn karto new claim. Haddii aadan awoodin inaad khadka tooska ah ama talefoon ka dalbato, Nala Soo xiriir halkan. Waxaan bixinaa adeegyada turjumaada luuqada si lacag la'aan ah.
Dalabkaagu waxa uu ansaxayaa todobaadka aad dalbato, markaa xaqiiji inaad xarayso dalabkaaga inta lagu jiro todobaadka aad doonayso inaad bilawdo. Todobaadku waa Axada ilaa Sabtida.
Marka aad dalbato, u diyaar ahaw inaad bixiso waxyaabaha soo socda:
•    Magaca 
•    Macluumaadka xidhiidhka 
•    Lambarka Sooshiyaal Sikiyuuritig 
•    Taariikhda dhalashada 
•    Buuxi taariikhda shaqaalaha ee 18 bilood ee lasoo dhaafay, oo ay ku jirto shaqooyinka kumeel gaadhka ah ama gelinka ah, ka shaqaynta meel ka baxsan Oregon, ama u shaqaynta dawlada federalka.

Marka aad soo gudbiso dalab, ma badali kartid arjigaaga. Waxaa muhiim ah inaad geliso dhamaan macluumaadka si buuxda oo aad si saxdo marka aad xaraynayso arjigaaga. Gelinta macluumaad aan dhamaystirnayn ama khaldan waxay dib u dhigi kartaa gunooyinkaaga.

Hadii aad muujiso inaad ka heshey mushahar dhawr gobol sanadka aas aasiga ah, waxa aad dooran kartaa gobolka aad ka xaraynayso dalabkaaga kowaad, iyada oo aan la eegeynin meesha aad degan tahay. Waxa aad heli doontaa macluumaad ku saabsan doorashooyinkaaga marka aad dalabkaaga laga shaqaynayo.

Arjiyada dalabyada cusub ee hore ee aanu ku helnay elektoroonig ahaan waxaa lagaga shaqeeyaa mudo todobaad ah.

Waxa aanu kuusoo diri doonaa macluumaadka muhiimka ah kadib marka aanu ka shaqayni arjiga dalabkaaga hore. Waa inaad akhridaa Buuga  Dalabka iyo wixii macluumaad ah ee aanu kuusoo dirno, maadaama oo ay ku jiraan Mushaharkaaga iyo Warbixinta Gunada Mustaqbalka iyo talaabooyinka xiga ee aad u baahan tahay inaad qaado si aad ugu qalanto dalab.

Gunada bilaas haqada ee la heley sanadka waxaa loo arkaa dakhli la cashuuro. Waxa aad dooran kartaa in lagaa reebo 10% xadiga gunadaada todobaadkii cashuurta dakhliga federalka ama 6% in lagaaga reebo cashuurta dakhliga gobolka, ama labada oo isugayn ah 16% in lagaa reebo. Dhamaan cashuurta lagaa reebo waxaa markaba loo gudbin doonaa Adeegyada Dakhliga Gudaha iyo Waaxda Oregon ee Dakhliga.

Badalka xaaladaada cashuurta kadib marka la xareeyo dalabka hore waxay kaaga baahan tahay inaad buuxiso foomka Ogolaanshaha Haynta Cashuurta (1040WH ). Hadii aanad lasoo degi karin foomka onleynka ah,   la hadal Xarunta La Xidhiidhka UI 877-345-3484 si laguugu soo diro.

Kadib marka aad xarayso dalabkaaga hore, waxa aad heli doontaa Warbixinta Mushaharka iyo Gunooyinka La Qaadan Karo. U akhri si taxadir elh mushaharaadkaaga iyo saacahaaga laga warbixiyay. Hadii macluumaadka sanadkaaga aas aasiga ah uu khaldan yahay, waxa aad dalban kartaa dib u eegid dalabkaaga ah. Bayaankan waxa uu ku tusayaa:
•    Xadiga gunadaada todobaadkii iyo gunada ugu badan ee la bixinayo - tirooyinkan waxay muujinayaan inta ugu badan ee aad todobaadkii heli karto iyo wadarta xadiga la heli karo marka aad dalbato.
•    Cida aad u shaqayso, iyo mushaharka iyo saacadaha ay ka warbixiyeen sadexdii biloodba ee sanadkaaga aas aasiga ah ee dalabkaaga. Wargelinta hore waxaa kaliya lagu dari doonaa cida loo shaqeeyo ee Oregon. Wixii shaqaale federal ah ama shaqada laga qabtay meel ka baxsan Oregon laguma soo dari karo.
•    Sanadkaaga gunadu waxa uu bilaabmayaa oo uu ku dhan yahay taariikhda - waxa aad kaliya dalban kartaa gunooyinka ku yaal dalabkan mudo todobaad ah oo u dhaxeeya taariikhdahan.
•    Hadii bayaankan uu yahay eegitaanka hore ama dib u eegid.

Foomkan waxaa sidoo kale uu ku siin karaa macluumaad kale oo ku saabsan dalabkaaga. Waxaa sidoo kale kamid ah fariin ku saabsan dalabkaaga aan saxda ahayn (mushahar ama saacado aan ku filnayn). Waxa uu sidoo kale sheegi karaa in aanu dalbanayso mushahar iyo saacadi hadii aad tahay shaqaale federal ah, aad ciidanka ka tirsanahay, ama aad noo sheegtay inaad ka shaqaysay gobol kale 18 kii bilood ee lasoo dhaafay. 
Hadii Warbixintaada Mushaharka iyo Gunooyinka La Qaado Karo ay muujinayaan in dalabkaagu khaldan yahay maadaama oo aad ka maqnayd shaqada sanadkaagii aas aasiga ahaa, waad nala soo xidhiidhi  kartaa oo waxa aanu baadhi doonaa mushaharka maqan. Hadii aad mushahar ku dari kari waydo dalabkaaga, waxa aanu ku samayn doonaa oo waxa aanu kuusoo diri doonaa Warbixinta Mushaharka iyo Gunooyinka La Qaadan Karo ee cusub oo uu la socdo macluumaadkii ugu danbeeyay.    

Todobaadka sugiga waxaa weeye todobaadka kowaad ee la dalbado dalabka todobaadkii ee la buuxiyo dhamaan shuruudaha. Kahor inta aanad bilaabin inaad hesho gunooyinka, sharciga Oregon waxa uu waajibinayaa in xarayso hal todobaad sugid dalabkiiba. Waa in aad dalbataa 'todobaadka sugida' in kasta oo aan lagu siin doonin wax lacag ah todobaadkaas.
UMA qalantid todobaadka sugida hadii wax kamid ah waxyaabaha soo socdaa ay dhan yihiin:
•    Aanad buuxin dhamaan shuruudaha u qalanka.
•    Aad shaqaysay labada gelinba.
•    Aad heshey lacag ka badan xadiga gunadaada todobaadkii.
•    Aanad wakhtigeeda ku dalban todobaadkaas. 

Marka laga tago bilaa shaqada (ama shaqo yaraanta) sababaha u qalma, ee dalabka todobaad kasta, waa inaad:
a.    Awoodaa inaad shaqayso.
b.    Diyaar u yahay inaad shaqayso.
c.    Aad si firfircoon u doon doonataa shaqo.
Awoodo inaad shaqayso waxay ka dhigan tahay in jidh ahaan iyo maskixiyan aad awoodo inaad shaqayso oo aad qabato shaqada aad doon doonayso. Caadiyan, waa inaad awoodaa inaad shaqayso 40 saacadood todobaadkii, in kasta oo ay jiraan waxoogaa laga soo reebo dadka aan shaqayn karin labada gelinba maadaama oo ay qabaan xanuuno, dhaawacyo ama laxaad la'aan mudo dheer ah.
Inaad diyaar u tahay, waxay ka dhigan tahay inaad diyaar u tahay inaad qabato dhamaan waxyaabaha soo socda:
•    Aqbasho shaqo labada gelinba ah, gelin ah, iyo kumeel gaadh ah.
•    Aad shaqayso maalinta iyo saacadaha caadiga ah ee nooca shaqada ee aad dalbanayso (waxaa jira waxyaabao laga soo reebo oo ah daryeelka ilmaha, waxbarashada onleynka ah, waxbarashada, gaadiidka, iyo daryeelka xubin qoyska ah ama qofk kale oo qoyska ka tirsan).
•    Aqbalaada xadiga caadiga ah ee mushaharka ah ee shaqoyinka caadiga ah.
•    Inaad ku jirto suuqa shaqada caadiga ah badanaa todobaadka. 
•    Inaad aqbasho fursado shaqo oo kugu haboon.
•    Inaad u socdaasho masaafad macquul ah nooca shaqad ee aad doonayso. Masaafadan waxaa lagu qeexaa qaabka caadiga ah ee loo safro ee aaga aad degan tahay.

Badanaa dadka, si firfircoon u doon doonanayo shaqo ee aad la xidhiidhayso loo shaqeeye shaqaalaysiiya dadka leh khibrad, todobar, iyo xirado shaqo aad qaban karto. 
Iyada oo sida kale ay kuugu sheegeen moojee iyada oo qoraal ah wakiilada Waaxda Shaqaalaha, waa inaad sii wadaa doon doonashada shaqada todobaad kasta oo aad dalbanayso gunooyinka, xataa hadii ay tahay shaqo gelin ah.
Waa inaad buuxisaa oo aad ka warbixisaa ugu yaraan shan hawlood oo shaqo raadis ah todobaad kasta oo aad dalbanayso gunooyinka. 
Waxaa kugu waajib ah inaad si sax ah u dalbato wixii xaalado hore u jiray ah ee kaa horjoogsanaya inaad shaqayso, aqbasho shaqo, ama doon doonato shaqo. Waxaa kamid noqon kara safar, xanuun, dhaawac, xadhig, waxbarashado aad dhigayo, is u shaqaysasho, iyo waayitaanka daryeelka ilmaha ama gaadiidka. Waa inaad sidoo kale ka warbixisaa wixii shaqo ah ee aad diiday ama aad gaftay. 

Waxaa jira sababo badan oo dalabkaaga loo joojin karo. Waa kuwan liis sababo kala duwan oo dalabkaaga aanu looga shaqaynin gunooyinkaaga:
•    Waxa aad ka booday todobaad gunooyinkaaga ah oo waa inaad dib u bilawdo dalabkaaga.
•    Dakhligaaga todobaadkii waxaa weeye xadiga gunadaada todobaadkii ama wax ka badan. Tani waxay u baahan tahay in aad dib u bilawdo dalabkaaga  si aad gunada usii wadato. 
•    Waxa aanu naqdinaynaa dalabkaaga si aanu u ogaano hadii aad buuxisay shuruudaha u qalanka. Waxaa nagu waajib ah in aanu buuxino nidaamka habaynta ee dhamaan mushkiladaha dalabka iman kara sida in: 
o    Aanad u shaqaynin sabab kale oo aan ahayn in lagaa eryay shaqada maadaama oo aad shaqayn wayday 
o    Aanad awoodin inaad shaqayso labada gelinba
o    Aanad diyar u ahayn inaad shaqayso labada gelinba ama maalintii iyo saacadaha caadiga ah ee nooca shaqadaada 
o    Inaad ka maqnaato shaqo ama aad diido
o    Aad socdaalaysay 
o    Aanad u doon doonan shaqada sidii lagaaga baahnaa 
o    Inaad buuxin duwaan gelinta shaqo doon doonaha ama shuruudaha  xaqiijinta aqoonsiga 
o    Aanad na siinin dhamaan macluumaadka aanu kaa dalbanay

Marka aanu ogaano mushkilada keentay in su'aal ka timaado inuu uu qof heli karo gunooyinka, waxa sharcigu nagu waajibinayaa in aanu eegno. Inkasta oo mushkilad badan ay dhakhso loogu xalin karo su'aalaha daba socodka, marara badan waxa ay u baahan tahay in si wanaagsan loogu naqdiyo nidaamka habeeyaha. Inta lagu jiro nidaamka habeeyaha, waxa aanu kaa uruurin doonaa macluumaad adiga iyo ilmo kale sida loogu baahdo. Hadii mushkiladu ay la xidhiidho shaqadaadii ugu danbaysay, waxa aanu caadiyan macluumaadka ka raadin doonaa cida aad u shaqaysay sidoo kale. Waxa aanu kadibna naqdin doonaa macluumaad, ku dabiqi doonaa shuruucda iyo qawaaniinta caymiska bilaa shaqada xaaladaada, oo kadibna waxa aanu go'aan kasoo saari doonaa mushkilada.
Hadii aanu ogaano in aad u qalanto, waxa aanu ku siin doonaa lacagta dhamaan todobaadada aad u qalanto ee aad dalbatay. Iyada oo ku xidhan mushkilada, waxa aanu soo saari karnaa go'aan diidmo ah ama waxa aanu yarayn karnaa gunooyinkaaga todobaad kaliya, todobaadyo la is raaciyay, ama waxa aanu sii wadi karnaa mudo aan la cayimin. Go'aanka maamulka ee laguu soo saaray ayaa sharixi doonaa hadii gunooyinka laguu diiday ama la yareeyay, oo waxay muujin doonaan mudada diidmada ama yaraynta. 
Hadii aad su'aal ka qabto dalabkaaga, qaabka ugu dhakhsaha badan ee aad ku heli karto kaalmadu waa foomkeena onleynka ah ee Nala Soo Xidhiidh. Waxaad sidoo kale kala hadli kartaa Xarunta La Xidhiidhka UI 877-345-3484 .

Hadii aanu diidno ama yarayno gunooyinkaaga, waxa aanu kuu soo diri doonaa go'aanka maamulka oo kuu sheegaya sababta diidmada. Si taxadir leh u akhri. Waxaa kamid ah macluumaadka sida aad u xarayn karto rafcaanka wakhtigiisa hadii aanad ku qancin go'aanka maamulka.
Hadi aad ku xarayn waydo go'aanka wakhtigiisa waxa ay kaa hor joogsan kartaa in la badalo go'aanka maamulka ee hore.
Hadii laguugu diiday dalabkaaga mushkilad kala qaybin shaqo darteed maadaama oo aanad dalban shaqo ama diiday shaqo, waxa aanu samayn kartaa waxyaabaha soo socda:
•    In laguu diido gunooyinkaaga ilaa inta shaqaynayso oo aad heleyso ugu yaraan afar jeed xadiga gunada todobaadkii ee shaqada aad xaqa u leedahay (la daboolay). Shaqada waa in la sameeyo kadib todobaadka lagaa eryay, hakiyay, aad joojisay ama aad diiday inaad aqbasho ama dalbato shaqo; IYO
•    Yarayso xadiga gunadaada ugu badan sideed jeer xadiga gunadaada todobaadkii.
Hadii gunooyinkaaga loo diiday sababo kale, sida gaftay fursad shaqo, lagu xidhay, xanuun, iwm., diidmada ugu danbaysa ee mudada lagu sheegey go'aanka maamulka ama ilaa inta xaalada keentay diidmadu ay meesha ka baxayso.
Hadii lagu siiyay gunooyinka oo kadibna laguu soo diray diidmo, markaa lacag dheeraad ah ayaad qaadatay ayay ka dhigan tahay. Waxa aad heli doontaa tilmaamaha sida aad u gudayso lacagta. Waa masuuliyad ku saaran inaad gudo wixii lacag ah ee dheeraad ah ee lagu siiyay, taas oo ay kamid noqon karto ganaaxyada la xidhiidha, kharashaadka iyo rabida.
Hadi aanad ku qancin go'aanka diidmada ah ee dalabkaaga, waxa aad dalban kartaa rafcaan  .

Shuruucda federalka iyo Gobolku waxay u baahan yihiin in aanu eegno hadii mushaharka shaqaalaha waxbarshada loo adeegsan karo in lagu xisaabiyo gunada todobaadkii ee todobaadyada la dalbanayo mudada fasaxa ee caadiga ah ee sanadaha u dhaxeeya, seemistarka ama mudooyinka. Tani waxay keeni kartaa joojin gunooyinka ah inta aanu wadno qiimaynta xaaladaada shaqo. 
Shaqaalaha dugsiga qaar ayaa u qalmi kara inta lagu jiro mudada fasaxa, oo sida kale aad ugu qalanto, oo waxaa dhici karta inayna la kulmin dib u dhac mushaharka la qiimaynayo. Shaqooyinkan waxaa kamid ah shaqooyinka dayactirka iyo nafaada, diyaarinta cuntada iyo shaqaalaha adeegyada, iyo shaqaalaha taageerada waxka qabadka hore iyo xanaanada caruurta kahor.
Shaqaalaha kale ee waxbarashad ee haysta kalsooni macquul ah inay dib u bilaabi doonaan shaqda kadib mudada fasaxa ah waxaa dhici karta inayna dib ugu qalmin qaar ama dhamaan gunooyinka inta lagu jiro mudada fasaxa. 
Nidaamku waxa uu noqon karaa mid wakhti qaata, oo inkasta oo aanu fahansanahay inaad diyaar u tahay inaad hesho gunooyinka, lagaagama baahna inaad nala soo hadasho. Buuxi oo kusoo celi Xog Uruurinta Shaqaalaha Waxbarashada sida ugu dhakhsaha badan. Waanu kulasoo xidhiidhi doonaa hadii aanu macluumaad dheeraad ah u baahano.

Hadii aad ka maqan tahay meesha aad sida rasmiga ah u degan tahay sadex ama wax ka badan oo maalmood, waa inaad sheegtaa inaad "ka maqan tahay meesha aad sida rasmiga ah u degan tahay" hadii aad dalbanayso todobaadka aad maqan tahay - waxay doonto ha noqoto sababta aad u maqan tahayi. Tan waxaa kamid ah hadii safarkaagu uu yahay Oregon gudaheeda, ama hadii aad weli doon doonanayso shaqo inta aad maqan tahay.
Waxa aanu kaa dalban doonaa macluumaad adiga ay ku jiraan taariikhaha aad maqnayd, sababta aad uga baxday suuqa shaqada, iyo baadi goobkaaga shaqada ee todobaadka aad dalbatay. Waxa aanu naqdin doonaa macluumaadkaaga oo waxa aanu sheegi doonaa hadii aad u qalanto mudadaas. Badanaa, waa inaad doon doonato shaqo aaga aad booqatay ah, aad diyaar u yahay inaad shaqayso, oo aad diyaar u yahay inaad ka shaqayso aagaas (oo aan kaliya ahayn shaqada aad qaban karto ee ka jirta meesha aad iminka degan tahay).

Haddii aad guurtay, goobta aad ku nooshahay hadda ayaa ah deegaankaaga rasmiga ah ee cusub. Waa muhiim inaad cusboonaysiiso ciwaanka deegaanka – waxaad bedeli kartaa adigoo isticmaalaya Frances Online. Haddii aad ka guurtay gobolka, waa inaad iska diiwaangelisaa nidaamka badelashada shaqada ee gobolkaaga oo aad ka raadsato shaqo halkaas. Waxa laga yaabaa in lagaa baahdo inaad keento cadaynta diiwaangelintaada.

Hal shay oo muhiim ah oo dib u shaqo galkaaga kamid ah waxaa weeye inaad la xidhiidho loo shaqeeyayaasha shaqaalaysiinaya dadka leh khirbadaada, todobarkaaga iyo xirfadahaaga. Iyada oo sida kale ay kuugu sheegeen moojee iyada oo qoraal ah wakiilada Waaxda Shaqaalaha, waa inaad sii wadaa doon doonashada shaqada todobaad kasta oo aad dalbanayso gunooyinka, xataa hadii ay tahay shaqo gelin ah.

Waa inaad buuxisaa ugu yaraan shan hawlood oo shaqo raadis ah todobaad kasta oo aad dalbanayso gunooyinka. Si firfircoon u doon doonashada shaqada waxaa kamid ah:
•    Ka qayb galka kulamada meelaynta shaqada ama aqoon iswaydaarsi (waxaa kamid ah hawlaha ay kafaale qaaday WorkSource Oregon)
•    Dad ku xidhanka
•    Gelinta macluumaadka arjigaaga
•    Akhrinta websaytyada ama wargeysyada shaqaalaysiinta adiga oo aan ka jawaabin xayaysiiska shaqada
•    Si toos ah ula xidhiidhka cida loo shaqeeyo
Ugu yaraan labo kamid ah shanta hawlood ee shaqo baadi goobta ah ee aad samaysay todobaadka waa in si toos ah loola xidhiidho cida shaqaalaha doonaysa. Tani waxay ka dhigan tahay inaad foolka fool, taleefan, boosta, ama elektoroonig ahaan ku waydiiso sida macluumaadka oo aad ku dalbato shaqada.
Todobaad kasta waa in aad duwaan gelisaa dadaalkaaga baadi goobka shaqada. Marka aad dalbanayso gunooyinka todobaadkii, waxaa kugu waajib ah inaad bixiso faahfaahin dalabkaaga ah oo ah waxa aad samaysay si aad u hesho shaqo todobaadkaas.

Marka aad xaraynayso dalabkaaga gunada ee todobaadka, waa inaad ka warbixisaa hawlahaaga baadi goobka shaqada ee aad samaysay IYO inaad si toos ah ula xidhiidhay cida loo shaqeeyo. Warbixintaada inaad si toos ah ula xidhiidhay cida loo shaqeeyaa waa inay kamid tahay dhamaan waxyaabaha soo socdaayi:
•    Taariikhda xidhiidhka
•    Magaca shirkada, lambarka taleefanka iyo cinwaanka, ama lambarka aqoosiga shaqada onleynka lasoo dhigay
•    Qofka lala xidhiidhay (hadii ay ku haboon tahay)
•    Qor shaqada ama booska aad dalbanayso
•    Sidee ayaad ula xidhiidhay (taleefanka, arjiga, arjiga onleynka ah, iimeel, imw.)
•    Natiijada xidhiidhkaaga (shaqaalaysiin, lama shaqaalaysiin, waraysi, lama soo jawaabin, iwm.)

Marka aad ka warbixinayso hawlaha baadi goobka shaqada ee aan ahayn la xidhiidh loo shaqeeye oo toos ah, waa inuu la socdaa:
•    Taariikhda aad samaysay hawsha
•    Sharaxa hawlaha aad samaysay

Hadii aad u baahan tahay kaalmo la socodka ah baadi goobkaaga shaqada, isticmaal foomka  Duwaanka Baadi Goobka Shaqada. Kugu waajib maaha inaad isticmaasho foomkan, laakiin waxaa kugu waajib ah inaad duwaan geliso dadaalkaaga baadi goobkaaga shaqada iyo warbixinta hawlahaas marka aad dalbanayso warbixinta dalabka todobaadkii.

Haddii aad isticmaalayso Frances Online, ku geli faahfaahinta shaqo raadintaada halkaas.

Hadii aad ku gudbiso dalabkaaga todobaadkii taleefanka ee khadka dalabka todobaadkii, waxaad afka ka sheegi doontaa macluumaadka baadi goobka shaqada kadib marka aad ka jawaabto su'aalaha dalabka todobaadka. Waa inaad sheegtaa taariikhda aad la xidhiidhay loo shaqeeyaha, magaca loo shaqeeyaha, jagada aad dalbatay ama wixii macluumaad ah ee aad waydiisay, cinwaanka loo shaqeeyaha iyo lambarka taleefanka, sida aad ula xidhiidhi karto, iyo hadii ay jirto wax natiijo ah oo ay tahay inaad ka warbixiso ee la xidhiidhkaaga.

Hawlaha baadi goobka ee AAN ahayn la xidhiidhka loo shaqeeyaha, waa inaad bixisaa faahfaahinta sharaxa waxa aad samaysay iyo goorta.

Waxa aanu kaaga baahan karnaa macluumaad dheeraad ah oo ku saabsan baadi goobkaaga shaqada wakhti kasta ama xaqiijin la xidhiidhkaaga cida loo shaqeeyo ee leh shirkad ganacsi.

Gunooyinkaagu way joogsanayaan hadii aanad bixin macluumaadka baadi goobka shaqada marka aad xaraynayso gunooyinkaaga todobaadkii. Hadii aad ka soo sheegto baadi goob shaqo ama ka dhaafid baadi goob shaqo oo khaldan, waxaa laguu soo diri doonaa diidmo taas oo keeni karta in lacag badan bixin iyo ganaax.

Hadii aad tahay xubin ay xidhiidh wanaagsan ka dhaxeeyaan ururka kala dira shaqaalaha, waxa laguu arkaa inaad si firfircoon u doon doonato shaqo marka aad la xidhiidho uruurkaaga ee aad diyaarka u noqoto in laguu diro shaqada lagu siiyo.
Hadii aad tahay shaqaale federal, shaqo la'aanta kumeel gaadhk ah ay ka timid xidhitaanka xafiisyada dawlada oo aad dilanayso inaad ku noqoto shaqada markay dhamaato xidhitaanku, waxaa dhici karta in aanad u doonan shaqo cid kale oo loo shaqeeyo. Waxaa laguu arkaa inaad si firfircoon u doon doonato shaqo hadii aad xidhiidh joogto ah la leedahay cida aad u shaqayso oo aad awoodo inaad aqbasho oo aad ka warbixiso xaalada shaqada ee cida aad u shaqayso.

Hadii ganacsigaagu yahay LLC ama shirkad kale oo shuraako ah,waxaa laguu arkaa inaad tahay shaqaale ganacsigaaga. Waa inaad u gashaa dadaal aad dib ugu bilaabayso ganacsigaaga labada gelinta laakiin waa inaad sidoo kale doon doonataa shaqo iyada oo aad shaqada uga fadhido moojee mudo gaaban. Waxa aad uga soo warbixinaysaa ganacsigaaga sida mid kamid ah shaqaalahaaga dalabkaaga todobaad kasta.

Hadii aad tahay qandaraasle madax banaan, waa inaad si firfircoon u doon doonataa shaqo. Waxa aad weli u shaqaysan kartaa is ilaa inta ayna kaa dhax galaynin sida aad diyaarka ugu tahay shaqo shaqaale ahaan.

Waxa aad sidoo kale dalban kartaa barnaamijka Kaalmada Is U Shaqaysashada (SEA) . Barnaamijku waxa uu u kaliya u furan yahay dadka si joogto ah u qaata gunooyinka UI. Hadii lagaa aqbalo barnaamijka, waxaa laguu soo diri doonaa wargelinta la ansixiyay iyo shuruudahaaga SEA ee todobaadkii. Hadii aad dalbato AND oo laguu ansixiyo barnaamijka Kaalmada Is U Shaqaysashada (SEA), waa inaad raacdaa shuruudaha barnaamijka SEA halkii aad ka doon doonan lahayd shaqo kale. Ilaa inta laguu ansixinayo barnaamijka SEA, waxaa lagaaga baahan yahay inaad raacdo shuruudaha baadi goobka shaqad ee UI ee caadiga ah. Kala hadal Xarunta Barnaamijyada Gaarka ah UI 503-947-1800 si aad u ogaato hadii aad u qalanto.  

Waxaa lagaaga baahan yahay inaad doon doonato shaqo oo aad aqbasho shaqada munaasabka ah. Shaqada munaasabka ahi waxay ka dhigan tahay in aad ku xisaabsanto tobobarkaaga iyo khibradaada hore, goobta, io lacagta lagu qaato in lamid ah ta aagaaga.
Badanaa dadku looga baahan yahay doontaa nooca shaqada ee ay caadiyan qaban karaan. Waxaa la socda shaqadaada caadiga ah, waxa aad sidoo kael dalban kartaa nooc kale oo shaqo ilaa inta lagaaga baahan yahay inaad u qalanto oo aad diyaar u tahay inaad aqbasho saacadaha caadiga ah iyo xadiga lacagta ee shaqadaas. 
Hadii shaqada caadiga ah ee aad qabato aan la heli karin ama hadii aanad shaqadaas iminka qaban karin, waa inaad doo doonataa nooc shaqo oo kale oo aad u leedahay xirad ama khibrad.
Tusaale ahaan, hadii aad ku shaqayso xafiis socdaal ahaan oo ayna jirin fursado badan oo shaqada noocaas ah oo aagaaga ah, waa inaad sidoo kael doon doonataa noocyo kale oo shaqo ah oo ka jira aagaaga oo aad qaban karto.

Wakiil socdaal ahaan, waxa aad xirfad u leedahay inaad maamusha xafiiska, qabato balan, adeega macmiilka, ama xataa in sidoo kale laguugu xisaabtamo shaqadaadii hore. Waa in aad doonataa fursado shaqo oo kuu sahlaya inaad isticmaasho xirfadaada wakhtigan oo qaab kale ah (laakiin wax lamid ah) oo noocaas shaqada ah.

Hadii aad ka qabto walaac isbadalka ama fursadaha tobobarka, WorkSource Oregon  waxay bixisaa adeegyo kala duwan, oo ay ku jiraan mihnadaha qorshaynta, aqoon si waydaarsi, iyo macluumaadka ku saabsan tobobarka iyo kaalmada dhaqaale. Waxaa sidoo kale booqan kartaa Qualityinfo.org  wixii macluumaad dheeraad ah ee ku saabsan shaqooyinka, mihnada, mushaharaadka, iyo macluumaadka kale ee shaqo ee aagaaga.

Hadii Waaxda Shaqadu ay go'aamiso in aad tahay 'shaqaale laxaad la',' oo ka dhigan inay u badan tahay in aanad kusoo noqon shaqada aad hore uga shaqaynaysay, waxa aad u qalmi kartaa Barnaamijka Caymiska Bilaa Shaqada (TUI). Macluumaad dheeraad ah ka oggow websaytka TUI.  

Hadii aanad buuxin shuruudaha ka fadhiisiinta shaqada mudada gaanan ama saacadaha yar, waa inaad si firfircoon u doon doonato shaqo todobaad kasta. 
Shaqo Bixinta La Aqbalayo 
Hadii aad aqbashay shaqo lagu siiyay, waxa aad weli ka warbixin kartaa hawlaha shaqo doon doonista ilaa inta aad aad labada gelinba ka shaqayn karto. Waxaa taas kamid noqon kara doon doonasho shaqo kumeel gaadh ah oo aad qaban karto ilaa inta shaqada cusub ee labada gelinba la bilaabayo. Shaqada cusub ee lagu siiyo dib ayaa loo dhigi karaa ama la joojin karaa, ama waxa aad heli kartaa shaqo kale oo aad doorato.

Kaliya Shaqada Onleynka ah 
Waa inaad diyaar u noqotaa nooca shaqada ee aad aqoonta u leedahay oo aad doon doonataa. Shaqooyin badan waxay ma noqon karaan kuwo lagu qanto onleyn (iibiyaha tukaanka, tusaale ahaan). Waxa aad diirada saari kartaa doon doonka shaqada oo laga samayn karo guriga hadii aad u qalanto waxqabadka shaqada. Laakiin hadii aad kaliya qabato shaqo onleyn ah oo aad u xadidaya fursadahaaga inaad ku noqoto shaqada, waxaa dhici karta in aanad u qalmin gunooyinka. Waxaa sidoo kale laguu diidi karaa gunooyinka hadii aad diido shaqo sida kale kugu munaasab ah oo u baahan inaad ka shaqayso goob ka baxsan gurigaaga.

Shaqaalaha Qandaraasyada
Shaqaalaha qandaraasyada waxa weeye shaqaale caadi ah oo ganacsiga oo maaha shaqaale qandaraaslayaal ah. Hadii loo shaqeeyaha qandaraasyadu aanu kuu haynin shaqo labada gelinba ah, waxa aad doonan kartaa shaqo kale. Waxaa kamid noqon kara loo shaqeeyaha qandaraasyada oo kale ama shaqo gelin ah oo aad qaban karto si aad usii wado shaqooyinka yaryar.

Shaqaynta Gelinta
Hadii aad wakhtigan shaqayso gelin oo aad u baahan tahay gunooyinka bilaa shaqada, waa inaad qabataa hawlaha shaqo raadista ee loo baahan yahay. Waxa aad diirada saari kartaa baadi goobka shaqada ee shaqada gelinka ah ama shaqada labada gelinba ah.