ການພິຈາລະນາຄຳຮ້ອງຂໍເງິນຫວ່າງງານ

ທົບທວນຄ່າຈ້າງ ແລະ ຊົ່ວໂມງເຮັດວຽກຂອງທ່ານຢ່າງລະມັດລະວັງ. ຖ້າຂໍ້ມູນຜິດພາດ, ທ່ານສາມາດ ຮ້ອງຂໍໃຫ້ມີການພິຈາລະນາການຮ້ອງຂໍຂອງທ່ານຄືນໃໝ່. ພວກເຮົາຈະສົ່ງຈົດໝາຍການພິຈາລະນາການ ຮ້ອງຂໍການຫວ່າງງານໃຫ້ທ່ານທາງໄປສະນີ. ເອກະສານນີ້ຈະສະແດງໃຫ້ທ່ານເຫັນ:

• ຈຳນວນເງິນຊ່ວຍເຫຼືອປະຈຳອາທິດ ແລະ ເງິນຊ່ວຍເຫຼືອສູງສຸດທີ່ຕ້ອງຈ່າຍ – ຕົວເລກເຫຼົ່າ ນີ້ສະແດງເຖິງຕົວເລກຫຼາຍສຸດທີ່ທ່ານອາດຈະໄດ້ຮັບໃນໜຶ່ງອາທິດ ແລະ ຈຳນວນເງິນທັງ ໝົດທີ່ອາດມີຢູ່ໃນຄຳຮ້ອງຂໍຂອງທ່ານ.

• ນາຍຈ້າງທີ່ທ່ານເຮັດວຽກໃຫ້, ແລະ ຄ່າຈ້າງ ແລະ ຊົ່ວໂມງທີ່ພວກເຂົາລາຍງານໃນແຕ່ລະໄຕ ມາດສໍາລັບທ່ານໃນປີພື້ນຖານຂອງການຮ້ອງຂໍຂອງທ່ານ - ເບິ່ງ ຄຳຖາມຕອບປະຈຳ ຂ້າງລຸ່ມ ນີ້ສໍາລັບຂໍ້ມູນເພີ່ມເຕີມກ່ຽວກັບໄຕມາດ ແລະ ປີພື້ນຖານ

• ວັນທີ ເລີ່ມຕົ້ນ ແລະ ສິ້ນສຸດ ປີຜົນປະໂຫຍດຂອງທ່ານ – ທ່ານສາມາດຂໍເງິນຊ່ວຍເຫຼືອໄດ້ ສະເພາະອາທິດທີ່ຕົກຢູ່ໃນຊ້ວງວັນທີເຫຼົ່ານີ້ເທົ່ານັ້ນ

• ບໍ່ວ່າເອກະສານນີ້ຈະແມ່ນການພິຈາລະນາເບື້ອງຕົ້ນ ຫຼື ການພິຈາລະນາຄືນໃຫມ່

ການຮ້ອງຂໍເງິນຊ່ວຍເຫຼືອການຫວ່າງງານຂອງລັດ Oregon ຂອງທ່ານແມ່ນມີກຳນົດຫນຶ່ງປີ, ເຊິ່ງແມ່ນ 52 ອາທິດ ເລີ່ມຈາກອາທິດທີ່ທ່ານສະຫມັກ. ໄລຍະເວລາ 52 ອາທິດນີ້ເອີ້ນວ່າປີຜົນປະໂຫຍດຂອງທ່ານ. ທ່ານບໍ່ສາມາດຍື່ນຄໍາຮ້ອງຂໍໃຫມ່ໃນ Oregon ຈົນກ່ວາປີນັ້ນຈະສິ້ນສຸດລົງ.

ໃນເອກະສານພິຈາລະນາຄຳຮ້ອງຂໍການຫວ່າງງານຂອງທ່ານຈະບອກທ່ານຮູ້ຖ້າ:

• ທ່ານບໍ່ສາມາດຮ້ອງຂໍໄດ້ເພາະວ່າທ່ານເຮັດວຽກຫນ້ອຍກວ່າ 500 ຊົ່ວໂມງໃນປີພື້ນຖານ ຂອງທ່ານ

• ທ່ານອາດຈະມີສິດໄດ້ຮັບການຮ້ອງຂໍປີພື້ນຖານທາງເລືອກ - ເບິ່ງ ຄຳຖາມຕອບປະຈຳ ຂ້າງ ລຸ່ມນີ້ສໍາລັບຂໍ້ມູນເພີ່ມເຕີມກ່ຽວກັບປີພື້ນຖານທາງເລືອກ

• ພວກເຮົາກຳລັງຂໍຂໍ້ມູນຄ່າຈ້າງ ແລະ ຊົ່ວໂມງເຮັດວຽກຈາກນາຍຈ້າງເກົ່າຂອງທ່ານ