ການຍົກເວັ້ນການຈ່າຍເງິນເກີນ

ຜົນປະໂຫຍດປະກັນໄພຫວ່າງງານມີບົດບາດສໍາຄັນໃນການຊ່ວຍເຫຼືອຄົນໃນເຮືອນຂອງເຂົາເຈົ້າ ແລະ ຮັກສາ ຊຸມຊົນໃຫ້ເຂັ້ມແຂງ. ຢ່າງໃດກໍຕາມ, ຖ້າຜູ້ໃດຜູ້ໜຶ່ງໄດ້ຮັບຜົນປະໂຫຍດໃນຂະນະທີ່ພວກເຂົາບໍ່ມີເງື່ອນໄຂ, ພວກເຂົາອາດຈະຕ້ອງໄດ້ຈ່າຍເງິນຄືນ. ນີ້ເອີ້ນວ່າການຈ່າຍເງິນເກີນ. ສຳລັບຫຼາຍໆຄົນ, ການໄດ້ຮັບໃບແຈ້ງ ຍອດ ການຈ່າຍເງິນເກີນ ສາມາດເພີ່ມຄວາມຄຽດໃຫ້ກັບຊ່ວງເວລາທີ່ຫຍຸ້ງຍາກໃນຊີວິດຂອງຄົນເຮົາ. ຖ້າທ່ານ ໄດ້ຮັບແຈ້ງການ ການຈ່າຍເງິນເກີນ ແລະ ການຈ່າຍຄືນຈະເປັນຄວາມລໍາບາກທາງດ້ານການເງິນ, ພວກເຮົາແນະ ນໍາໃຫ້ທ່ານຮ້ອງຂໍການຍົກເວັ້ນການຈ່າຍເງິນເກີນ.

ການຊໍາລະເງິນ

ຖ້າວ່າທ່ານບໍ່ມີສິດໄດ້ຮັບການຍົກເວັ້ນ, ທ່ານສາມາດຈ່າຍຄືນເຕັມຈໍານວນ ຫຼື ພວກເຮົາສາມາດຊ່ວຍທ່ານສ້າງແຜນໃນການຊໍາລະໄດ້. ຕິດຕໍ່ກັບພວກເຮົາຖ້າວ່າທ່ານມີຄວາມລໍາບາກທາງດ້ານການເງິນທີ່ບໍ່ຄາດຄິດ ແລະ ຕ້ອງການເວລາເພີ່ມເຕີມເພື່ອຊໍາລະເງິນ.

ເພື່ອຕິດຕໍ່ກັບພວກເຮົາ:

ສົ່ງຂໍ້ຄວາມໃຫ້ພວກເຮົາພ້ອມກັບຄໍາຮ້ອງຂໍຂອງທ່ານມາທີ່ Frances Online. ເຂົ້າສູ່ລະບົບ Frances Online ແລະ ເລືອກ “ຂ້ອຍຕ້ອງການ...” ຈາກນັ້ນເລືອກ “ສົ່ງຂໍ້ຄວາມ” ບ່ອນບອກວ່າ “ຂໍ້ຄວາມ”. ການສົ່ງຂໍ້ຄວາມໃນຂະນະທີ່ເຂົ້າສູ່ລະບົບຈະຊ່ວຍໃຫ້ພວກເຮົາຕອບກັບໄວຂຶ້ນ.
ຖ້າວ່າທ່ານບໍ່ສາມາດເຂົ້າສູ່ລະບົບ Frances Online, ໄດ້ໃຫ້ນໍາໃຊ້ ແບບຟອມຕິດຕໍ່ກັບພວກເຮົາ. ເລືອກຕົວເລືອກ “ການຊໍາລະເງິນເກີນ”.
ໂທ 800-237-3710 ຫຼື 503-947-1710 ເພື່ອລົມກັບຜູ້ຊ່ຽວຊານດ້ານການມີສ່ວນສະໜັບສະໜູນ ແລະ ການຟື້ນຟູ.

ຖ້າວ່າທ່ານບໍ່ໄດ້ມີຄວາມຜິດໃນການຊໍາລະເງິນເກີນ, ໂດຍທົ່ວໄປແລ້ວ ທ່ານຈະບໍ່ຈໍາເປັນຕ້ອງຊໍາລະໜີ້. ເຖິງຢ່າງໃດກໍຕາມ, ໜີ້ສິນອາດຈະຈໍາກັດສິດທິຜົນປະໂຫຍດໃນອະນາຄົດຂອງທ່ານຈາກໂຄງການປະກນການຫວ່າງງານ. ພວກເຮົາຈະ:

ຫັກເງິນຈາກການາລະເງິນປະຈໍາອາທິດຂອງທ່ານຖ້າວ່າທ່ານສະໝັກສິດທິຜົນປະໂຫຍດ.
ນໍາເງິນດັ່ງກ່າວນັ້ນມາຊໍາລະໜີ້ໃນການຊໍາລະເງິນເກີນ.
ດໍາເນີນການນີ້ເປັນເວລາຫ້າປີຫຼັງຈາກການຕັດສິນໃຈໃນການຊໍາລະເງິນເກີນສໍາເລັດຮຽບຮ້ອຍ ຫຼື ຈົນກວ່າຈະຊໍາລະເງິນເກີນຄືນ.

ຖ້າວ່າທ່ານມີຄວາມຜິດສໍາລັບການຊໍາລະເກີນ, ການຊໍາລະຄືນແມ່ນຈໍາເປັນ ແລະ ໜີ້້ສິນຈະບໍ່ໝົດອາຍຸ.

ການຊໍາລະເງິນເກີນຈາກໂຄງການປະກັນການຫວ່າງງານ ແລະ ການລາພັກທີ່ໄດ້ຮັບຄ່າຈ້າງ Oregon ບໍ່ມີຜົນກະທົບຕໍ່ຜົນປະໂຫຍດເຊິ່ງກັນ ແລະ ກັນ. ຕົວຢ່າງ, ການຊໍາລະເງິນເກີນຈາກໂຄງການຂອງການລາພັກທີ່ໄດ້ຮັບຄ່າຈ້າງ Oregon ຈະບໍ່ສົ່ງຜົນກະທົບຕໍ່ຜົນປະໂຫຍດປະກັນໄພຫວ່າງງານ.

A wooden pedestrian bridge crosses a stream in Selmac Lake Park near Selma.

ການສະຫຼະສິດການຊໍາລະເງິນເກີນ

ກົດໝາຍຂອງ Oregon ອະນຸຍາດໃຫ້ທ່ານ ຮ້ອງຂໍການຍົກເວັ້ນ ການຊໍາລະເງິນເກີນທີ່ບໍ່ໄດ້ສໍ້ໂກງຂອງຜົນປະໂຫຍດປະກັນໄພຫວ່າງງານ ຖ້າວ່າມັນຖືກກໍານົດວ່າການຈ່າຍຄືນໃຫ້ແກ່ພວກເຮົາຈະເຮັດໃຫ້ທ່ານຫຍຸ້ງຍາກທາງດ້ານການເງິນ. ການຍົກເວັ້ນນີ້ນຳໃຊ້ກັບບັນດາໂຄງການຕໍ່ໄປນີ້ເທົ່ານັ້ນ:

ປະກັນໄພຫວ່າງງານ
ຜົນປະໂຫຍດເພີ່ມເຕີມ (EB)
ການຊົດເຊີຍການຫວ່າງງານສຸກເສີນຍ້ອນການແຜ່ລະບາດຂອງພະຍາດ (Pandemic Emergency Unemployment Compensation, PEUC)
ການຊົດເຊີຍການຫວ່າງງານຂອງລັດຖະບານກາງ (Federal Pandemic Unemployment Compensation, FPUC)
ການຊ່ວຍເຫຼືອການຫວ່າງງານແຜ່ຍ້ອນການລະບາດຂອງພະຍາດ (Pandemic Unemployment Assistance, PUA)
ການຊ່ວຍເຫຼືອຄ່າຈ້າງທີ່ສູນເສຍ (Lost Wages Assistance, LWA)
ເງິນຊົດເຊີຍການຫວ່າງງານແບບປະສົມ (Mixed Earners Unemployment Compensation, MEUC)

ຄໍາແນະນໍາການຍື່ນຂໍການຍົກເວັ້ນ

ດາວໂຫລດ ແລະ ຕື່ມຂໍ້ມູນໃສ່ສໍາເນົາຂອງກົມຈັດຫາງານ Oregon ການຮ້ອງຂໍການຍົກເວັ້ນການຈ່າຍເງິນເກີນ. ມີສາມວິທີໃນການສົ່ງແບບຟອມການຍົກເວັ້ນການຈ່າຍເງິນເກີນຂອງລັດຂອງທ່ານ:

ສົ່ງອີເມວພ້ອມກັບເອກະສານທີ່ເຕີມຄົບຖ້ວນໄປຫາ UIOverpayments@employ.oregon.gov ໃສ່ຫົວຂໍ້ “ການຮ້ອງຂໍການຍົກເວັ້ນ.”

ແຟັກເອກະສານທີ່ເຕີມຄົບຖ້ວນໄປຫາ 503-947-1811 ທີ່ໜ້າປົກມີຄຳວ່າ “ATTN: BPC Waiver Requests.”

ສົ່ງທາງໄປສະນີ ເອກະສານທີ່ເຕີມຄົບຖ້ວນໄປຫາ BPC Overpayment Waivers 875 Union St. NE Salem, OR 97311.

ຖ້າທ່ານຢາກໄດ້ຄວາມຊ່ວຍເຫຼືອ, ກະລຸນາໂທຫາພວກເຮົາທີ່ 503-947-1995.