ການຕັດສິນຝ່າຍບໍລິຫານ ແລະ ການວິນິດໄສ

ຫຼັງຈາກທ່ານສົ່ງຄຳຮ້ອງເພື່ອຮັບສະຫວັດດີການຈາກໂຄງການປະກັນການຫວ່າງງານເຖິງພວກເຮົາ, ພວກເຮົາຈະທົບທວນເພື່ອພິຈາລະນາສິດຂອງທ່ານ. ຂໍ້ຮຽກຮ້ອງຂອງທ່ານອາດຈະສະຫຼັບຊັບຊ້ອນ ຫຼື ມີບັນຫາທີ່ຮຽກຮ້ອງໃຫ້ພວກເຮົາດຳເນີນການທົບທວນຄືນໃຫ້ລະອຽດ. ອັນນີ້ເອີ້ນວ່າ ຂະບວນການຕັດສິນ.

ໃນລະຫວ່າງຂະບວນການຕັດສິນ, ພວກເຮົາຈະຮວບຮວມຂໍ້ມູນຈາກທ່ານ ແລະ ແຫຼ່ງຂໍ້ມູນອື່ນໆຕາມຈຳເປັນ. ຕົວຢ່າງ: ຖ້າບັນຫາກ່ຽວຂ້ອງກັບການຈັດຫາງານຂອງທ່ານເມື່ອບໍ່ດົນມານີ້, ໂດຍທົ່ວໄປ ພວກເຮົາຈະຮວບຮວມຂໍ້ມູນຈາກນາຍຈ້າງເກົ່າຂອງທ່ານເຊັ່ນກັນ. ຈາກນັ້ນ ພວກເຮົາຈະທົບທວນກວດສອບເບິ່ງຂໍ້ມູນທີ່ມີ, ນຳເອົາກົດໝາຍ ແລະ ກົດລະບຽບສຳລັບປະກັນການຫວ່າງງານ ໄປໃຊ້ກັບສະຖານະການຂອງທ່ານ ແລະ ທຳການຕັດສິນ.

ໂຄງການປະກັນການຈັດຫາງານໃຫ້ສະຫວັດດີການແກ່ຄົນຜູ້ທີ່ບໍ່ມີວຽກເຮັດງານທຳ ຫຼື ຖືກຫຼຸດຊົ່ວໂມງເຮັດວຽກຫຼຸດລົງ ໂດຍທີ່ບໍ່ແມ່ນຄວາມຜິດຂອງຕົນເອງ. ຜູ້ຄົນຈະຕ້ອງພ້ອມເຂົ້າເຮັດວຽກ, ສາມາດເຮັດວຽກໄດ້ ແລະ ຕັ້ງໜ້າຊອກວຽກທຸກໆອາທິດເພື່ອຮັບສະຫວັດດີການ. ຖ້າພວກເຮົາຮູ້ວ່າທ່ານອາດບໍ່ປະຕິບັດຕາມເງື່ອນໄຂຂໍ້ກຳນົດເຫຼົ່ານີ້, ພວກເຮົາຕ້ອງສືບສວນບັນຫາ ແລະ ຈະຕັດສິນວ່າທ່ານມີສິດຮັບສະຫວັດດີການຫຼືບໍ່.

ພວກເຮົາກວດສອບຄຳຮ້ອງຕາມລຳດັບກ່ອນຫຼັງທີ່ພວກເຮົາໄດ້ຮັບເອກະສານ, ແຕ່ສຳລັບບັນຫາສະຫຼັບຊັບຊ້ອນອາດໃຊ້ເວລາດົນກວ່າເພື່ອກວດສອບ. ພວກຈຳເປັນຕ້ອງໃຊ້ເວລາໂອ້ລົມກັບພາກສ່ວນກ່ຽວຂ້ອງທັງໝົດ, ເກັບກຳຂໍ້ເທັດຈິງ, ນຳໃຊ້ກົດໝາຍ ແລະ ທຳການຕັດສິນທີ່ເປັນທຳກ່ຽວກັບຈະອະນຸຍາດໃຫ້ມີການປະຕິເສດສະຫວັດດີການຫຼືບໍ່.

ພວກເຮົາຮູ້ວ່າອາດເປັນເລື່ອງຍາກທີ່ຈະລໍຖ້າຮັບສະຫວັດດີການ ໃນຂະນະທີ່ພວກເຮົາດຳເນີນການກວດສອບຂອງພວກເຮົາ. ການດຳເນີນການກວດສອບ ແລະ ການເກັບກຳຂໍ້ເທັດຈິງທັງໝົດ ຈະຊ່ວຍໃຫ້ພວກເຮົາປົກປ້ອງອົງການຈາກກາສໍ້ໂກງ ແລະ ຈາກຄວາມເຄັ່ງຕຶງຂອງການຈ່າຍເງິນຫຼາຍເກີນຄວນ. ການຈ່າຍເງິນຫຼາຍເກີນຄວນເກີດຂຶ້ນເມື່ອທ່ານຮັບຜົນປະໂຫຍດທີ່ທ່ານບໍ່ມີສິດຮັບ ແລະ ທ່ານຕ້ອງຈ່າຍເງິນຄືນ.

ຖ້າຄຳຮ້ອງຂອງທ່ານຈຳເປັນໃຫ້ມີການດຳເນີນກວດສອບ, ຜູ້ກວດສອບ - ຜູ້ສືບສວນຄຳຮ້ອງຂອງທ່ານ - ຈະຕິດຕໍ່ຫາທ່ານ ຜ່ານທາງໂທລະສັບ, ໄປສະນີ ແລະ ອີເມວ. ພວກເຮົາຈະບໍ່ສົ່ງຂໍ້ຄວາມຫາທ່ານ. ຖ້າທ່ານມີໂທລະສັບ, ກະລຸນາຮັບໂທລະສັບ, ເຖິງວ່າຈະເປັນເບີບໍ່ຮູ້ກໍ່ຕາມ ແລະ ໃຫ້ແນ່ໃຈວ່າໄດ້ຕັ້ງຂໍ້ຄວາມສຽງໄວ້ ເພື່ອໃຫ້ຜູ້ໂທຈາກພະແນກຈັດຫາງານຂອງລັດໂອເຣກອນສາມາດຝາກຂໍ້ຄວາມສຽງໄວ້ໄດ້.

ກະລຸນາຕອບຈົດໝາຍ ແລະ ຂໍ້ຄວາມສຽງທັງໝົດ ຈາກພະແນກຈັດຫາງານຂອງລັດໂອເຣກອນ. ຖ້າທ່ານບໍ່ແນ່ໃຈວ່າແມ່ນການສື່ສານມາຈາກພວກເຮົາແທ້ຫຼືບໍ່ ຫຼື ຖ້າທ່ານກັງວົນວ່າການສື່ສານບາງອັນອາດຈະເປັນການຫຼອກລວງ, ກະລຸນາຕິດຕໍ່ພວກເຮົາເພື່ອຂໍຄວາມຊ່ວຍເຫຼືອ.

ຢ່າລືມອັບເດດທີ່ຢູ່ຂອງທ່ານໃນ Frances Online ຢູ່frances.oregon.gov.

1. ສືບຕໍ່ຍື່ນຄຳຮ້ອງທຸກໆອາທິດໃນລະຫວ່າງການກວດສອບ ເພື່ອທີ່ທ່ານຈະສາມາດໄດ້ຮັບຄວາມໜ້າເຊື່ອຖືສຳລັບອາທິດຂອງທ່ານ. ຖ້າພວກເຮົາຕັດສິນວ່າທ່ານມີສິດຮັບການຈ່າຍສະຫວັດດີການ, ທ່ານສາມາດຮັບເງິນໄດ້ສະເພາະອາທິດທີ່ທ່ານຍື່ນຄຳຮ້ອງຕົງຕາມເວລາເທົ່ານັ້ນ. ທ່ານບໍ່ສາມາດກັບໄປ ແລະ ຍື່ນຄຳຮ້ອງເອົາຄືນຫຼັງໄດ້.
2. ກະລຸນາຕອບຈົດໝາຍທຸກສະບັບທີ່ພວກເຮົາສົ່ງໃຫ້ທ່ານ. ທ່ານອາດສົ່ງຈົດໝາຍກັບຄືນໂດຍທາງໄປສະນີ ຫຼື ໃຊ້ແບບ ຕິດຕໍ່ພວກເຮົາ ກໍ່ໄດ້. ຂໍ້ມູນທີ່ພວກເຮົາຂໍມີຄວາມແຕກຕ່າງກັນໄປ. ຕົວຢ່າງ: ພວກເຮົາອາດຈະຂໍໃຫ້ທ່ານ:
   • ຊີ້ແຈງຂໍ້ມູນນາຍຈ້າງຂອງທ່ານ
   • ລາຍງານການຊອກວຽກປະຈຳອາທິດຂອງທ່ານ
   • ອະທິບາຍວ່າເປັນຫຍັງທ່ານຈິ່ງອອກຈາກວຽກ, ຖືກໄລ່ອອກ ຫຼື ປະຕິເສດວຽກໃໝ່ໃນຂະນະທີ່ຍື່ນຄຳຮ້ອງຮັບສະຫວັດດີການ
   • ໃຫ້ຂໍ້ມູນ ຖ້າທ່ານບໍ່ພ້ອມ ຫຼື ບໍ່ສາມາດເຮັດວຽກໄດ້ ໃນຂະນະທີ່ຍື່ນຄຳຮ້ອງເອົາສະຫວັດດີການ
   • ອັບເດດຂໍ້ມູນຕິດຕໍ່ຂອງທ່ານ
3. ຖ້າທ່ານມີໂທລະສັບ, ໃຫ້ແນ່ໃຈວ່າໄດ້ຕັ້ງຂໍ້ຄວາມສຽງໄວ້ ເພື່ອໃຫ້ຜູ້ໂທຈາກພະແນກຈັດຫາງານຂອງລັດໂອເຣກອນສາມາດຝາກຂໍ້ຄວາມສຽງໄວ້ໄດ້.
4. ກະລຸນາຕອບຈົດໝາຍ ແລະ ຂໍ້ຄວາມສຽງທັງໝົດ ຈາກພະແນກຈັດຫາງານລັດໂອເຣກອນ. ຖ້າທ່ານບໍ່ແນ່ໃຈວ່າແມ່ນການສື່ສານມາຈາກພວກເຮົາຫຼືບໍ່ ຫຼື ຖ້າທ່ານກັງວົນວ່າການສື່ສານບາງອັນອາດຈະເປັນການຫຼອກລວງ, ກະລຸນາຕິດຕໍ່ພວກເຮົາເພື່ອຂໍຄວາມຊ່ວຍເຫຼືອ. ວິທີງ່າຍທີ່ສຸດ ແລະ ໄວທີ່ສຸດທີ່ຈະສົ່ງຂໍ້ມູນໃຫ້ພວກເຮົາແມ່ນຜ່ານແບບຟອມ ຕິດຕໍ່ພວກເຮົາ ທີ່ unemployment.oregon.gov/contact.

ໃນຕອນທ້າຍຂອງການກວດສອບຂອງພວກເຮົາ, ພວກເຮົາຈະຕັດສິນວ່າທ່ານມີສິດຮັບສະຫວັດດີການຫຼືບໍ່. ພວກເຮົາຈະສົ່ງຄຳຕັດສິນໃຫ້ທ່ານດ້ວຍວິທີທາງໃດໜຶ່ງ. ຖ້າທ່ານບໍ່ເຫັນດີກັບຄຳຕັດສິນ, ທ່ານມີສິດຍື່ນອຸທອນ ແລະ ຂໍໃຫ້ຜູ້ພິພາກສາກົດໝາຍປົກຄອງພິຈາລະນາຄະດີໄດ້. ນາຍຈ້າງຂອງທ່ານມີສິດຍື່ນອຸທອນຄຳຕັດສິນທີ່ພວກເຮົາໄດ້ຕັດສິນຄຳຮ້ອງຂອງທ່ານໄປແລ້ວເຊັ່ນກັນ. ຖ້າທ່ານຕັດສິນໃຈຍື່ນອຸທອນ, ສືບຕໍ່ຍື່ນຄຳຮ້ອງຮັບສະຫວັດດີການ ໃນຂະນະທີ່ລໍຖ້າຜົນຂອງການພິຈາລະນາຄະດີ.

ພວກເຮົາຈະສົ່ງຄຳຕັດສິນໃຫ້ທ່ານ ແລະ ຈະມີຄຳແນະນຳກ່ຽວກັບວິທີຍື່ນອຸທອນໃຫ້. ທ່ານສາມາດຮຽນຮູ້ເພີ່ມເຕີມໄດ້ທີ່ unemployment.oregon.gov/lo/appeals.

ທ່ານອາດມີຄຸນສົມບັດສຳລັບສິດທິປະໂຫຍດປະເພດອື່ນໆທີ່ບໍ່ກ່ຽວຂ້ອງກັບການປະກັນການວ່າງງານ, ເຊັ່ນ: ການລາພັກເນື່ອງຈາກຄອບຄົວ ແລະ ການລາພັກທາງການແພດທີ່ຍັງໄດ້ຮັບເງິນ, ການຄຸ້ມຄອງ ສຸຂະພາບ ຫຼື ພາຍໃນຊຸມຊົນຂອງທ່ານ.