Unemployment Identity Theft and Unemployment Insurance Fraud

ການສໍ້ໂກງປະກັນໄພຫວ່າງງານແມ່ນບັນຫາຂອງຊາດ ແລະ ການຕໍ່ຕ້ານການສໍ້ໂກງແມ່ນບູລິມະສິດຂອງໜ່ວຍງານທີ່ພວມດຳເນີນການ. ຕັ້ງແຕ່ມີການແພ່ລະບາດຂອງພະຍາດ, ຜູ້ສໍ້ໂກງ ແລະ ຜູ້ຫຼອກລວງໄດ້ຮັບເງິນຜິດກົດໝາຍຫຼາຍຕື້ໂດລາຢູ່ໃນຜົນປະໂຫຍດເງິນຊ່ວຍເຫຼືອປະກັນໄພຫວ່າງງານໃນທົ່ວປະເທດ. OED ກຳລັງເຮັດວຽກຢ່າງຕັ້ງໜ້າເພື່ອປ້ອງກັນ, ກວດຫາ ແລະ ສືບສວນການສໍ້ໂກງ. ພວກເຮົາເຮັດໜ້າທີ່ຂອງພວກເຮົາໃນການປົກປ້ອງຂໍ້ມູນສ່ວນຕົວຂອງທ່ານ, ເງິນຂອງລັດ ແລະ ກອງທຶນເຊື່ອໝັ້ນ (Trust Fund) ຂອງພວກເຮົາຢ່າງຈິງຈັງ.

ຮັບຮູ້ ແລະ ຫຼີກລ່ຽງອຸບາຍຫຼອກລວງເອົາປະກັນໄພຫວ່າງງານ

ໂດຍທົ່ວໄປແມ່ນໃຫ້ນຳໃຊ້ຂັ້ນຕອນເຫຼົ່ານີ້ເພື່ອປົກປ້ອງຕົວທ່ານຈາກອຸບາຍຫຼອກລວງການຫວ່າງງານ:

ຢ່າໃຫ້ຂໍ້ມູນສ່ວນຕົວຂອງທ່ານຜ່ານທາງອີເມວ ຫຼື ຂໍ້ຄວາມ.

ຢ່າໂອນເງິນ ແລະ ຈົ່ງຢ່າສົນໃຈກັບຄຳຮ້ອງຂໍຕໍ່ໄປນີ້:

ການສື່ສານທີ່ກ່ຽວຂ້ອງກັບຜົນປະໂຫຍດເງິນຊ່ວຍເຫຼືອ UI ຂອງທ່ານຈາກບາງຄົນທີ່ຮຽກເອົາເງິນ;

ບາງຄົນຜູ້ທີ່ເວົ້າວ່າພວກເຂົາສາມາດຊ່ວຍທ່ານຍື່ນຂໍຜົນປະໂຫຍດເງິນຊ່ວຍເຫຼືອໄດ້ໂດຍມີຄ່າທຳນຽມ ແລະ

ບາງຄົນທີ່ອ້າງວ່າເຮັດວຽກໃຫ້ກັບ Employment Department (ພະແນກການຈ້າງງານ) ຜູ້ທີ່ເວົ້າວ່າພວກເຂົາຕ້ອງການຄ່າທຳນຽມເພື່ອປະກອບໃບຄຳຮ້ອງຂອງທ່ານໃຫ້ສຳເລັດ.

ພວກເຮົາຈະບໍ່ຂໍເງິນເພື່ອແລກປ່ຽນໃຫ້ທ່ານໄດ້ຮັບຜົນປະໂຫຍດເງິນຊ່ວຍເຫຼືອຂອງທ່ານ.

ໝາຍເຫດ: ພວກເຮົາບໍ່ສົ່ງຂໍ້ຄວາມຫາຜູ້ຮຽກຮ້ອງ.

ຢ່າເຊື່ອຖື ຫຼື ອາໄສຂໍ້ມູນ UI ຈາກເວັບໄຊບໍ່ເປັນທາງການ – ໃຫ້ເຂົ້າເບິ່ງ unemployment.oregon.gov ທຸກຄັ້ງສຳລັບຂໍ້ມູນຜົນປະໂຫຍດເງິນຊ່ວຍເຫຼືອຫວ່າງງານຂອງລັດໂອເລກອນ.

ໃຫ້ຢູ່ຫ່າງໄກຈາກທີ່ຢູ່ເວັບໄຊ ຫຼື ທີ່ຢູ່ອີເມວທີ່ບໍ່ລົງທ້າຍດ້ວຍຄຳວ່າ .gov.

ກວດເບິ່ງວ່າທີ່ຢູ່ຂຽນ Twitter ຖືກຕ້ອງບໍ່. ຂອງພວກເຮົາແມ່ນ @ORemployment.

ກວດເບິ່ງວ່າມີຄົນຖືກໃຈຈັກຄົນ ແລະ ມີຄົນຕິດຕາມຈັກຄົນໃນໜ້າ Facebook. ໜ້າ Facebook ທາງການຂອງ OED ມີຄົນຖືກໃຈຫຼາຍກວ່າ 11,000 ຄັ້ງແລ້ວດຽວນີ້ ແລະ ຖືກກວດສອບແລ້ວ (ມີໝາຍຕິກສີຟ້າ).

ສຳລັບຂໍ້ມູນເພີ່ມເຕີມ, ພວກເຮົາຂໍແນະນຳໃຫ້ຮຽນຮູ້ເພີ່ມເຕີມກ່ຽວກັບ:

Known fraud and scam cases (ກໍລະນີການສໍ້ໂກງ ແລະ ອຸບາຍການຫຼອກລວງທີ່ຮູ້ຈັກ)

The U.S. Department of Labor’s ID Theft website (ເວັບໄຊການລັກ ID ຂອງກະຊວງແຮງງານຂອງສະຫະລັດ)

The FBI’s Warning on Money Mules (ຄຳເຕືອນຂອງ FBI ກ່ຽວກັບຄົນລັກໂອນເງິນ)

ການລັກລະຫັດລະບຸຕົວຕົນການຫວ່າງງານ

ທຸກລັດປະສົບກັບບັນຫາຂໍ້ຮຽກຮ້ອງການຫວ່າງງານທີ່ເປັນການສໍ້ໂກງເພີ່ມຂຶ້ນທີ່ອົງການຈັດຕັ້ງອາຊະຍາກຳໄດ້ຍື່ນດ້ວຍການໃຊ້ລະຫັດລະບຸຕົວຕົນທີ່ຖືກລັກທີ່ພວກເຂົາໄດ້ມາຈາກການລະເມີດຂໍ້ມູນແຫ່ງຊາດໃນອະດີດ. ການລະເມີດສ່ວນໃຫຍ່ເຫຼົ່ານີ້ແມ່ນເກີດຂຶ້ນໃນອະດີດ ແລະ ພົວພັນກັບຄວາມພະຍາຍາມທາງດ້ານອາຊະຍາກຳໃນລະດັບກວ້າງທີ່ບໍ່ກ່ຽວຂ້ອງກັບການຫວ່າງງານ. ອາຊະຍາກອນກຳລັງໃຊ້ລະຫັດລະບຸຕົວຕົນທີ່ຖືກລັກໄປເຫຼົ່ານີ້ເພື່ອຕົວະ ແລະ ຮັບເອົາຜົນປະໂຫຍດເງິນຊ່ວຍເຫຼືອທີ່ເປັນການສໍ້ໂກງໃນຫຼາຍໆລັດ.

ຜູ້ອອກອຸບາຍຫຼອກລວງຢູ່ເບື້ອງຫຼັງການສໍ້ໂກງ UI ແມ່ນປະກົດວ່າກຳລັງນຳໃຊ້ເລກປະກັນສັງຄົມ ແລະ ຂໍ້ມູນສາມາດລະບຸຕົວບຸກຄົນໄດ້ອື່ນໆເພື່ອສະໝັກຂໍ ແລະ ຮັບເອົາຜົນປະໂຫຍດເງິນຊ່ວຍເຫຼືອ UI. ໃນຫຼາຍໆສະຖານະການ, ຜູ້ຕົກເປັນເຫຍື່ອບໍ່ຮູ້ວ່າຂໍ້ມູນສ່ວນຕົວຂອງພວກເຂົາຕົກໄປຢູ່ຜິດມື.

ສັນຍານທີ່ທ່ານອາດຈະຕົກເປັນເຫຍື່ອຂອງການລັກລະຫັດລະບຸຕົວຕົນການຫວ່າງງານ

ຜູ້ຕົກເປັນເຫຍື່ອຂອງການລັກລະຫັດລະບຸຕົວຕົນການຫວ່າງງານສ່ວນໃຫຍ່ບໍ່ຮູ້ວ່າໄດ້ມີການຍື່ນຂໍ້ຮຽກຮ້ອງ ແລະ/ຫຼື ດັ່ງນັ້ນໄດ້ມີການຮັບຜົນປະໂຫຍດເງິນຊ່ວຍເຫຼືອດ້ວຍການໃຊ້ລະຫັດລະບຸຕົວຕົນຂອງພວກເຂົາ. ຫຼາຍຄົນພົບເຫັນການລັກລະຫັດລະບຸຕົວຕົນການຫວ່າງງານທີ່ເກີດຂຶ້ນພຽງແຕ່ເມື່ອພວກເຂົາໄດ້ຮັບບາງສິ່ງບາງຢ່າງຢູ່ໃນອີເມວເຊັ່ນ: ການຈ່າຍເງິນ ຫຼື ແບບຟອມເສຍພາສີ 1099-G ທີ່ລັດອອກໃຫ້ທີ່ບໍ່ຖືກຕ້ອງ ຫຼື ສຳລັບຜົນປະໂຫຍດເງິນຊ່ວຍເຫຼືອທີ່ບໍ່ໄດ້ຮັບ. ນີ້ແມ່ນຕົວຢ່າງແບບຟອມ 1099-G.

ຖ້າພວກເຮົາມີທີ່ຢູ່ທາງໄປສະນີທີ່ນຳໃຊ້ໄດ້ໃນສຳນວນສຳລັບທ່ານ, ພວກເຮົາຈະສົ່ງແບບຟອມເສຍພາສີທີ່ປັບປຸງແລ້ວໃຫທ່ານ. ຖ້າທ່ານຕ້ອງການແບບຟອມເສຍພາສີທີ່ປັງປຸງແລ້ວເພື່ອເຫດຜົນນີ້, ໃຫ້ຕິດຕໍ່ Employment Department (ພະແນກການຈ້າງງານ) ທັນທີຜ່ານໜ້າ Contact Us (ຕິດຕໍ່ພວກເຮົາ). ສຳລັບການຊ່ວຍເຫຼືອກ່ຽວຂ້ອງກັບການຍື່ນເສຍພາສີ, ໃຫ້ປຶກສາກັບຜູ້ຊ່ຽວຊານດ້ານພາສີ.

ທ່ານອາດຈະຕົກເປັນເຫຍື່ອຂອງການລັກລະຫັດລະບຸຕົວຕົນການຫວ່າງງານ, ຖ້າທ່ານໄດ້ຮັບ:

ໄປສະນີຈາກໜ່ວຍງານລັດຖະບານກ່ຽວກັບຂໍ້ຮຽກຮ້ອງການຫວ່າງງານ ຫຼື ການຊຳລະເງິນ ແລະ ທ່ານບໍ່ໄດ້ຍື່ນຂໍຜົນປະໂຫຍດເງິນຊ່ວຍເຫຼືອຫວ່າງງານເມື່ອບໍ່ດົນມານີ້. ນີ້ລວມມີການຈ່າຍເງິນທີ່ບໍ່ໄດ້ຄາດການໄວ້ ຫຼື ບັດເດບິດ ແລະ ສາມາດມາຈາກທຸກລັດໄດ້.

ແບບຟອມເສຍພາສີ 1099-G ສະທ້ອນໃຫ້ເຫັນຜົນປະໂຫຍດເງິນຊ່ວຍເຫຼືອຫວ່າງງານທີ່ທ່ານບໍ່ໄດ້ຄາດໄວ້. ຫ້ອງທີ 1 ໃນແບບຟອມນີ້ອາດຈະສະແດງໃຫ້ເຫັນຜົນປະໂຫຍດເງິນຊ່ວຍເຫຼືອຫວ່າງງານທີ່ທ່ານບໍ່ໄດ້ຮັບ ຫຼື ຈຳນວນເງິນເກີນບັນທຶກຂອງທ່ານສຳລັບຜົນປະໂຫຍດເງິນຊ່ວຍເຫຼືອຫວ່າງງານທີ່ທ່ານໄດ້ຮັບ. ແບບຟອມອາດຈະມາຈາກລັດທີ່ທ່ານບໍ່ໄດ້ອາໄສຢູ່ ຫຼື ບໍ່ໄດ້ຍື່ນຂໍຜົນປະໂຫຍດ.

ໃນຂະນະທີ່ທ່ານຍັງເຮັດວຽກຢູ່, ແຈ້ງການຈາກນາຍຈ້າງຂອງທ່ານໃຫ້ທ່ານຮູ້ວ່ານາຍຈ້າງຂອງທ່ານໄດ້ຮັບຄຳສະເໜີຂໍຂໍ້ມູນກ່ຽວກັບຂໍ້ຮຽກຮ້ອງການຫວ່າງງານອອກຊື່ຂອງທ່ານທີ່ທ່ານບໍ່ໄດ້ຍື່ນ.

ຈະເຮັດແນວໃດ, ຖ້າທ່ານໄດ້ຮັບເອກະສານຈາກ OED, ແຕ່ບໍ່ໄດ້ຍື່ນຂໍຜົນປະໂຫຍດເງິນຊ່ວຍເຫຼືອ

ຖ້າທ່ານໄດ້ຮັບ 1099-G tax form (ແບບຟອມຍື່ນເສຍພາສີ 1099) ຈາກ Employment Department (ພະແນກການຈ້າງງານ) ແລະ ທ່ານບໍ່ໄດ້ຍື່ນ ຫຼື ໄດ້ຮັບຜົນປະໂຫຍດເງິນຊ່ວຍເຫຼືອຫວ່າງງານ, ໃຫ້ຕິດຕໍ່ພວກເຮົາທັນທີ. ຖ້າພວກເຮົາຢືນຢັນວ່າໄດ້ມີການລັກ ID, ທ່ານຈະບໍ່ຈຳເປັນຕ້ອງລາຍງານຈຳນວນເງິນໃນ 1099-G ໃຫ້ກັບ IRS.

ຖ້າທ່ານໄດ້ຮັບເຊັກເງິນ ຫຼືບັດ Reliacard ຂອງທະນາຄານແຫ່ງສະຫະລັດ, ໃຫ້ສົ່ງເຊັກເງິນ ແລະ ບັດ Reliacards ກັບຄືນຫາ Employment Department (ພະແນກການຈ້າງງານ):

Oregon Employment Department
PO Box 14130
Salem, OR 97309

ກະລຸນາຂຽນຄຳອະທິບາຍຫຍໍ້ວ່າເປັນຫຍັງທ່ານຈິ່ງສົ່ງສິ່ງຂອງເຫຼົ່ານີ້ຄືນເພື່ອທີ່ພວກເຮົາຈະໄດ້ຮູ້ສິ່ງທີ່ຈະດຳເນີນການ ແລະ ບອກໃຫ້ພວກເຮົາຮູ້, ຖ້າທ່ານຕ້ອງການຍື່ນຂໍ້ຮຽກຮ້ອງຂໍຜົນປະໂຫຍດເງິນຊ່ວຍເຫຼືອຂອງທ່ານເອງ. ເມື່ອຮວບຮວມຫຼັກຖານແລ້ວ ແລະ ໄດ້ມີການຢືນຢັນວ່າມີການລັກລະຫັດລະບຸຕົວຕົນເກີດຂຶ້ນ, ພວກເຮົາຈະຍົກເລີກເຊັກເງິນ ແລະ ຂໍ້ຮຽກຮ້ອງການຫວ່າງງານທີ່ສໍ້ໂກງ.

ຈະເຮັດແນວໃດ, ຖ້າທ່ານຕົກເປັນເຫຍື່ອຂອງການລັກລະຫັດລະບຸຕົວຕົນການຫວ່າງງານ

ລາຍງານການລັກລະຫັດລະບຸຕົວຕົນການຫວ່າງງານໃຫ້ກັບ OED ທັນທີທີ່ເປັນໄປໄດ້ໂດຍການລາຍງານມັນຜ່ານ Employment Department ID Theft Reporting form (ແບບຟອມການລາຍງານການລັກ ID ຂອງພະແນກການຈ້າງງານ), ໂດຍການໂທຫາພວກເຮົາທີ່ເບີ 877-345-3484 ຫຼື ຜ່ານໜ້າຕິດຕໍ່ພວກເຮົາ.

ທ່ານອາດຈະບໍ່ໄດຮັບຄຳຢືນຢັນຈາກພວກເຮົາເມື່ອທ່ານສົ່ງລາຍງານ, ແຕ່ທ່ານອາດຈະໄດ້ຮັບສາຍໂທຈາກຜູ້ສືບສວນ, ຖ້າພວກເຮົາຕ້ອງການຂໍ້ມູນເພີ່ມເຕີມ. ໝາຍເຫດ: ID ຜູ້ໂທອາດຈະບໍ່ບອກວ່າເປັນ OED.

ພວກເຮົາອາດຈະຂໍເອກະສານເພີ່ມເຕີມ (ເຊັ່ນ: ບົດລາຍງານຕຳຫຼວດ ຫຼື ຄຳໃຫ້ການທີ່ຜ່ານການສາບານແລ້ວ) ເພື່ອເຮັດການສືບສວນໃຫ້ສຳເລັດ. ພວກເຮົາຈະທົບທວນເບິ່ງກໍລະນີຂອງທ່ານ ແລະ ເຮັດການກຳນົດ. ແຕ່ລະລັດມີເງື່ອນໄຂກຳນົດຄວາມຕ້ອງການແຕກຕ່າງກັນ ແລະ ມີຂະບວນການສືບສວນການລັກລະຫັດລະບຸຕົວຕົນທີ່ແຕກຕ່າງກັນ.

ຖ້າທ່ານໄດ້ຮັບແບບຟອມເສຍພາສີ 1099-G ສຳລັບຜົນປະໂຫຍດເງິນຊ່ວຍເຫຼືອທີ່ທ່ານບໍ່ໄດ້ຮັບ, ພວກເຮົາຈະຕ້ອງອອກແບບຟອມເສຍພາສີ 1099-G ທີ່ແກ້ໄຂໃຫ້ຖືກຕ້ອງໃຫ້ ແລະ ຈະອັບເດດບັນທຶກເສຍພາສີກັບ IRS ໃນນາມຂອງທ່ານ.

ຜູ້ຕົກເປັນເຫຍື່ອຂອງການລັກລະຫັດລະບຸຕົວຕົນຜູ້ທີ່ໄດ້ຈ່າຍເງິນ ຫຼື ການສົ່ງມັນຄືນມາຊ້າແມ່ນຂໍໃຫ້ຕິດຕໍ່ຫາພວກເຮົາທັນທີ. ຖ້າບໍ່ດັ່ງນັ້ນ, ທ່ານຮັບຜິດຊອບລາຍງານມັນໃນການສົ່ງຄືນພາສີຂອງທ່ານ ແລະ ທ່ານອາດຈະໄດ້ຮັບການຈ່າຍເງິນເກີນທີ່ເປັນການສໍ້ໂກງໃນອະນາຄົດ. (ການຈ່າຍເງິນເກີນແມ່ນເວລາທີ່ທ່ານໄດ້ຮັບຜົນປະໂຫຍດເງິນຊ່ວຍເຫຼືອທີ່ທ່ານບໍ່ມີສິດໄດ້ຮັບ. ທ່ານຈະຕ້ອງຈ່າຍຜົນປະໂຫຍດເງິນຊ່ວຍເຫຼືອທີ່ທ່ານໄດ້ຮັບຄືນ.)

ເຮັດວຽກກັບຜູ້ປະກອບອາຊີບທາງດ້ານການເສຍພາສີ ຫຼື ປະຕິບັດຕາມ IRS instructions (ຄຳແນະນຳ IRS) ເພື່ອຍື່ນເສຍພາສີຂອງທ່ານ, ຖ້າທ່ານໄດ້ຮັບ 1099-G ບໍ່ຖືກຕ້ອງເນື່ອງຈາກການສໍ້ໂກງ.
ກວດເບິ່ງບົດລາຍງານເຄຣດິດຂອງທ່ານສຳລັບກິດຈະກຳທີ່ໜ້າສົງໄສ ຫຼື ສາຍເຄຣດິດເປີດທີ່ບໍ່ໄດ້ຮັບອະນຸຍາດ.

ກົດລະບຽບຂອງລັດຖະບານກາງໃຫ້ທ່ານຂໍບົດລາຍງານເຄຣດິດໄດ້ປີລະຄັ້ງບໍ່ເສຍຄ່າຈາກແຕ່ລະບ່ອນຂອງສາມສຳນັກງານເຄຣດິດ (Equifax, Experian, Transunion) ຜ່ານ AnnualCreditReport.com ຫຼື ໂທ 1- 877-322-8228. ທ່ານຈຳເປັນຕ້ອງແຈ້ງຊື່, ທີ່ຢູ່, ເລກປະກັນສັງຄົມ ແລະ ວັນເດືອນປີເກີດຂອງທ່ານເພື່ອຢັ້ງຢືນຕົວຕົນຂອງທ່ານ.

ສຳລັບຂໍ້ມູນເພີ່ມເຕີມ ແລະ ຂັ້ນຕອນຕ່າງໆເພື່ອປົກປ້ອງເຄຣດິດຂອງທ່ານໃຫ້ດີຂຶ້ນ, ເຂົ້າເບິ່ງໜ້າ Credit Report (ບົດລາຍງານເຄຣດິດ) ໃນເວັບໄຊຜູ້ບໍລິໂພກ Federal Trade Commission (ຄະນະກຳມາທິການການຄ້າລັດຖະບານກາງ, FTC).

ປ່ຽນລະຫັດຜ່ານບັນຊີອອນລາຍ ແລະ ເຮັດໃຫ້ລະຫັດຜ່ານຍາກຂຶ້ນເພື່ອທີ່ຄົນອື່ນບໍ່ສາມາດເຂົ້າເຖິງບັນຊີໄດ້ງ່າຍໆ.
ຕິດຕໍ່ຜູ້ໃຫ້ບໍລິການການເງິນຂອງທ່ານ (ທະນາຄານ, ບໍລິສັດບັດເຄຣດິດ, ອື່ນໆ) ເພື່ອສະທ້ອນໃຫ້ເຫັນທຸລະກຳທີ່ຜິດປົກກະຕິ.
ລາຍງານການລັກລະຫັດລະບຸຕົວຕົນການຫວ່າງງານທີ່ເກີດຂຶ້ນໃນລະຫວ່າງການແພ່ລະບາດ COVID-19 ໃຫ້ກັບ National Center for Disaster Fraud (ສູນການສໍ້ໂກງໄພພິບັດແຫ່ງຊາດ) ຂອງ U.S. Department of Justice (ກະຊວງຍຸຕິທຳສະຫະລັດ).

ນອກຈາກການລາຍງານກັບລັດ, ການລາຍງານກັບ National Center for Disaster Fraud (ສູນການສໍ້ໂກງໄພພິບັດແຫ່ງຊາດ) ຊ່ວຍການບັງຄັບໃຊ້ກົດໝາຍຢຸດການລັກລະຫັດລະບຸຕົວຕົນການຫວ່າງງານ. ການຍື່ນລາຍງານນີ້ກັບ National Center for Disaster Fraud (ສູນການສໍ້ໂກງໄພພິບັດແຫ່ງຊາດ) ຍັງຈະແຈ້ງໃຫ້ U.S. Department of Labor’s Office of Inspector General (ຫົວໜ້າຫ້ອງການຜູ້ກວດກາໃຫຍ່ຂອງກະຊວງແຮງງານສະຫະລັດ) ນຳອີກວ່າອົງການໃດເປັນອົງການຕົ້ນຕໍຮັບຜິດຊອບການສືບສວນການສໍ້ໂກງການຫວ່າງງານ. ທ່ານອາດຈະບໍ່ໄດ້ຮັບຄຳຕອບກັບຄືນຫຼັງຈາກສົ່ງຂໍ້ມູນນີ້.

ລາຍງານການລັກລະຫັດລະບຸຕົວຕົນກັບ Federal Trade Commission (ຄະນະກຳມາທິການການຄ້າລັດຖະບານກາງ) ຢູ່ທີ່ 1-877-ID-THEFT (438-4338) ຫຼື ເຂົ້າເບິ່ງ identitytheft.gov.
ຕິດຕໍ່ຫ້ອງການຕຳຫຼວດປະຈຳທ້ອງຖິ່ນຂອງທ່ານ. ພວກເຂົາອາດຈະມີຄຳແນະນຳອື່ນອີກ.
ແຈ້ງ Office of Inspector General (ຫ້ອງການຜູ້ກວດກາ) ວ່າເລກປະກັນສັງຄົມ (SSN) ຂອງທ່ານຖືກນຳໃຊ້ເປັນການສໍ້ໂກງຢູ່ທີ່ oig.ssa.gov/report
ຂໍສຳເນົາບົດລາຍງານຜົນປະໂຫຍດເງິນຊ່ວຍເຫຼືອ ແລະ ຄ່າແຮງງານຂອງທ່ານ ຈາກ Oregon Employment Department (ພະແນກການຈ້າງງານລັດໂອເຣກອນ) ເພື່ອກວດເບິ່ງຄວາມຖືກຕ້ອງ. ທ່ານສາມາດຂໍສຳເນົາຜ່ານໜ້າ Contact Us (ຕິດຕໍ່ພວກເຮົາ) ໄດ້ ຫຼື ໂດຍການໂທຫາ (877) 345-3484.

ຕິດຕໍ່ IRS ເພື່ອລາຍງານການລັກລະຫັດລະບຸຕົວຕົນ ແລະ ດັ່ງນັ້ນ SSN ຂອງທ່ານຖືກນຳໃຊ້ເພື່ອຍື່ນຂໍ້ຮຽກຮ້ອງການຫວ່າງງານທີ່ຖືກສໍ້ໂກງ. ເຂົ້າເບິ່ງ ເວັບໄຊ IRS ເພື່ອຮຽນຮູ້ວິທີຍື່ນເສຍພາສີຂອງທ່ານຫຼັງຈາກການສໍ້ໂກງ UI ຫຼື ການລັກລະຫັດລະບຸຕົວຕົນ.

ການສໍ້ໂກງຜົນປະໂຫຍດເງິນຊ່ວຍເຫຼືອປະກັນໄພການຫວ່າງງານ

ການສໍ້ໂກງຜົນປະໂຫຍດເງິນຊ່ວຍເຫຼືອປະກັນໄພການຫວ່າງງານເກີດຂຶ້ນເມື່ອມີຄົນໃຫ້ຂໍ້ມູນຜິດ ຫຼື ກັກຄວາມຈິງເພື່ອຈຸດປະສົງເພື່ອໃຫ້ເຂົາໄດ້ຮັບຜົນປະໂຫຍດ. ຖ້າທ່ານເຊື່ອງ ຫຼື ລາຍງານຂໍ້ມູນຜິດຕາມຈຸດປະສົງ, ມັນເປັນການສໍ້ໂກງ. ການສໍ້ໂກງເປັນອາຊະຍາກຳ ແລະ ສາມາດສົ່ງຜົນໃຫ້ມີການລົງໂທດເຖິງ ແລະ ລວມທັງການດຳເນີນຄະດີທາງອາຍາ.

ນາຍຈ້າງ ແລະ ຜູ້ຮຽກຮ້ອງສາມາດເຮັດການສໍ້ໂກງພາຍໃຕ້ກົດໝາຍປະກັນໄພຫວ່າງງານຂອງລັດໄດ້. ການສໍ້ໂກງຂອງນາຍຈ້າງສາມາດລວມມີການເຮັດສິ່ງຕ່າງໆທີ່ລວມມີການຫຼີກລ່ຽງຄວາມຮັບຜິດຊອບທາງດ້ານພາສີ ຫຼື ການສ້າງບັນຊີນາຍຈ້າງປອມເພື່ອໃຫ້ສາມາດເຮັດຂໍ້ຮຽກຮ້ອງສໍ້ໂກງຕໍ່ກັບບັນຊີນັ້ນໄດ້.

ການສໍ້ໂກງຂອງຜູ້ຮຽກຮ້ອງສາມາດລວມມີ:

ບໍ່ລາຍງານການປະຕິເສດວຽກ ຫຼື ວຽກທີ່ທ່ານພາດໄປໃນຂະນະທີ່ກຳລັງຮຽກຮ້ອງເອົາຜົນປະໂຫຍດເງິນຊ່ວຍເຫຼືອ

ການໃຫ້ຂໍ້ມູນປອມໂດຍທີ່ຮູ້ຈັກ ຫຼື ກັກຂໍ້ມູນໄວ້ເພື່ອເອົາຜົນປະໂຫຍດເງິນຊ່ວຍເຫຼືອ

ການສືບຕໍ່ເອົາຜົນປະໂຫຍດເງິນຊ່ວຍເຫຼືອເມື່ອຮູ້ຕົວເອງວ່າບໍ່ມີສິດໄດ້ຮັບ

ການບໍ່ລາຍງານເງິນທັງໝົດທີ່ທ່ານຫາມາໄດ້ເມື່ອຍື່ນຂໍຜົນປະໂຫຍດເງິນຊ່ວຍເຫຼືອປະຈຳອາທິດ

ບໍ່ລາຍງານການແຍກວຽກຂອງທ່ານຢ່າງຖືກຕ້ອງ

ການຍື່ນຂໍ້ຮຽກຮ້ອງດ້ວຍການໃຊ້ລະຫັດລະບຸຕົວຕົນຂອງຄົນອື່ນ

ນອກຈາກນັ້ນ, ການລັກລະຫັດລະບຸຕົວຕົນອາດຈະສົ່ງຜົນໃຫ້ມີການສໍ້ໂກງປະກັນໄພການຫວ່າງງານທີ່ບໍ່ແມ່ນຄວາມຜິດຂອງນາຍຈ້າງ ຫຼື ຜູ້ຕົກເປັນເຫຍື່ອຂອງການລັກລະຫັດລະບຸຕົວຕົນ.

ທຸກໆລັດຖືກຮຽກຮ້ອງ ແລະ ຄາດໝາຍໃຫ້ບັງຄັບໃຊ້ກົດໝາຍປະກັນໄພຫວ່າງງານຂອງຕົນເອງ.

ວິທີລາຍງານການສໍ້ໂກງປະກັນໄພຫວ່າງງານ

ຖ້າທ່ານຮູ້ ຫຼື ສົງໄສບາງຄົນຜູ້ທີ່ກຳລັງເອົາຜົນປະໂຫຍດປະກັນໄພຫວ່າງງານຢ່າງຜິດກົດໝາຍ, ຈົ່ງລາຍງານໃຫ້ກັບ Oregon Employment Department (ພະແນກການຈ້າງງານລັດໂອເລກອນ).

ລາຍງານທາງອອນລາຍ: ປະກອບແບບຟອມ Suspected UI Fraud Investigations Referral Information (ແບບຟອມຂໍ້ມູນການສົ່ງຕໍ່ການສືບສວນການສໍ້ໂກງປະກັນໄພຫວ່າງງານທີ່ສົງໄສ). ໝາຍເຫດ: ທ່ານອາດຈະບໍ່ໄດ້ຮັບການຢືນຢັນຈາກພວກເຮົາທັນທີເມື່ອທ່ານສົ່ງບົດລາຍງານ.

ລາຍງານທາງໂທລະສັບ: ໂທຫາ Benefit Payment Control (ຝ່າຍຄວບຄຸມການຈ່າຍຜົນປະໂຫຍດເງິນຊ່ວຍເຫຼືອ) ທີ່ເບີ 503-947-1995 ຫຼື 1-877-668-3204

ທ່ານຍັງສາມາດລາຍງານການສໍ້ໂກງທີ່ສົງໄສໄດ້ຜ່ານໜ້າ Contact Us (ຕິດຕໍ່ພວກເຮົາ) ຂອງພວກເຮົາໄດ້.

ຖ້າທ່ານແມ່ນນາຍຈ້າງ ແລະ ເຊື່ອວ່າບາງຄົນອາດຈະໄດ້ຮັບຜົນປະໂຫຍດທີ່ພວກເຂົາບໍ່ມີສິດໄດ້ຮັບ, ໃຫ້ລາຍງານມັນໃຫ້ພວກເຮົາ. ສິ່ງສຳຄັນ: ພະນັກງານອາດຈະຍັງມີສິດໄດ້ຮັບຜົນປະໂຫຍດເງິນຊ່ວຍເຫຼືອຫວ່າງງານ, ຖ້າພວກເຂົາປະຕິເສດວຽກເໝາະສົມທີ່ສະເໜີໃຫ້ເນື່ອງຈາກເຫດຜົນກ່ຽວຂ້ອງກັບ COVID-19* ຕາມທີ່ໄດ້ກຳນົດໄວ້ໃນກົດລະບຽບຊົ່ວຄາວຂອງພວກເຮົາ.

ລາຍງານທາງອອນລາຍ: ປະກອບ ແລະ ສົ່ງແບບຟອມ Employer Reported Job Refusal (ນາຍຈ້າງລາຍງານການປະຕິເສດວຽກ)

ລາຍງານທາງໂທລະສັບ: ໂທຫາ Benefit Payment Control (ຝ່າຍຄວບຄຸມການຈ່າຍຜົນປະໂຫຍດເງິນຊ່ວຍເຫຼືອ) ທີ່ເບີ 503-947-1995 ຫຼື 877-668-3204

*ພະນັກງານອາດຈະຍັງມີສິດໄດ້ຮັບຜົນປະໂຫຍດເງິນຊ່ວຍເຫຼືອຫວ່າງງານ, ຖ້າພວກເຂົາ:

ເຈັບປ່ວຍເປັນ COVID-19

ອາດຈະສຳຜັດກັບເຊື້ອ COVID-19 ແລະ ຍັງຢູ່ໃນໄລຍະການກັກຕົວຕາມການກຳນົດ

ພັກຢູ່ເຮືອນເພື່ອເບິ່ງແຍງດູແລສະມາຊິກຄອບຄົວ ຫຼື ຄົນອື່ນໆທີ່ພວກເຂົາອາໄສຢູ່ນຳ ຫຼື ຜູ້ທີ່ໃຫ້ການເບິ່ງແຍງດູແລ, ຜູ້ທີ່ກຳລັງເຈັບປ່ວຍຈາກ COVID-19 ຫຼື ຕ້ອງກັກຕົວຕາມກຳນົດ

ບໍ່ສາມາດໄປເຮັດວຽກໄດ້ຍ້ອນວ່າພວກເຂົາຕ້ອງພັກຢູ່ບ້ານເພື່ອເບິ່ງແຍງດູແລເດັກນ້ອຍເນື່ອງຈາກມີການປິດໂຮງຮຽນ, ບ່ອນໃຫ້ການເບິ່ງແຍງດູແລເດັກ ຫຼື ສະຖານບໍລິການຄ້າຍຄືກັນນັ້ນເນື່ອງມາຈາກ COVID-19

ຖືກບອກໃຫ້ເຮັດວຽກເມື່ອມັນຈະຮຽກຮ້ອງໃຫ້ພວກເຂົາດຳເນີນການທີ່ເປັນລະເມີດການກັກຕົວທີ່ກຳນົດ ຫຼື ຄຳສັ່ງຂອງລັດຖະບານ

ບໍ່ສາມາດໄປເຮັດວຽກໄດ້ຍ້ອນພວກເຂົາໄດ້ຮັບຄຳແນະນຳຈາກຜູ້ໃຫ້ການເບິ່ງແຍງດູແລສຸຂະພາບ ຫຼື ໄດ້ຮັບຄຳແນະນຳຈາກເຈົ້າໜ້າທີ່ສາທາລະນະສຸກໃຫ້ກັກກັນຕົວເອງເນື່ອງຈາກມີຄວາມສ່ຽງທີ່ໄດ້ຈະໄດ້ຮັບເຊື້ອ ຫຼື ແພ່ເຊື້ອ COVID-19

ສິ່ງທີ່ຕ້ອງເຮັດ, ຖ້າຜົນປະໂຫຍດເງິນຊ່ວຍເຫຼືອຂອງທ່ານຖືກງົດເນື່ອງຈາກການສໍ້ໂກງທີ່ສົງໄສ

ຖ້າບັນຊີ Reliacard ຂອງທ່ານຖືກງົດເນື່ອງຈາກການສໍ້ໂກງທີ່ສົງໄສ ແລະ ພວກເຮົາຢືນຢັນວ່າບໍ່ມີການສໍ້ໂກງເກີດຂຶ້ນ, ພວກເຮົາຈະຂໍໃຫ້ຍົກເລີກການງົດໂດຍທະນາຄານສະຫະລັດ (U.S. Bank). ທ່ານຈະບໍ່ສາມາດເລັ່ງຂະບວນການນີ້ໃຫ້ໄວຂຶ້ນໂດຍການຕິດຕໍ່ທະນາຄານສະຫະລັດ (U.S. Bank) ດ້ວຍຕົວເອງໄດ້. ກ່ອນການຍົກເລີກການງົດ, U.S. Bank (ທະນາຄານສະຫະລັດ) ແລະ Employment Department (ພະແນກການຈ້າງງານ) ອາດຈະຮຽກຮ້ອງໃຫ້ທ່ານຢືນຢັນລະຫັດລະບຸຕົວຕົນ (ID) ຂອງທ່ານ. ຈົ່ງພ້ອມໃຫ້ຫຼັກຖານຂອງ ID ແກ່ U.S. Bank (ທະນາຄານສະຫະລັດ) ແລະ Employment Department (ພະແນກການຈ້າງງານ).

ຖ້າການຈ່າຍເງິນແມ່ນໄດ້ຈ່າຍເຂົ້າບັນຊີຂອງທ່ານໂດຍກົງ ແລະ ທ່ານບໍ່ໄດ້ລົງທະບຽນໃຫ້ຝາກໂດຍກົງ, ຕິດຕໍ່ພວກເຮົາທັນທີ.

ຖ້າຂໍ້ຮຽກຮ້ອງຂອງທ່ານຖືກຢຸດໄປເນື່ອງຈາກການສໍ້ໂກງທີ່ສົງໄສ, ພວກເຮົາຈະຮຽກຮ້ອງໃຫ້ທ່ານປະກອບເອກະສານຫຼັກຖານຢັ້ງຢືນປະຈຳຕົວຂອງທ່ານກ່ອນທີ່ພວກເຮົາຈະສາມາດເລີ່ມຈ່າຍຜົນປະໂຫຍດການຊ່ວຍເຫຼືອຕໍ່ໄດ້.

ຜົນປະໂຫຍດເງິນຊ່ວຍເຫຼືອຈະບໍ່ຖືກຈ່າຍໃຫ້ໃນຂໍ້ຮຽກຮ້ອງ, ຖ້າບໍ່ສາມາດກວດສອບຂໍ້ມູນລະບຸຕົວຕົນຂອງທ່ານໄດ້. ມັນເປັນຄວາມຮັບຜິດຊອບຂອງທ່ານທີ່ຈະຮັບເອົາ ID ທີ່ນຳໃຊ້ໄດ້, ຄືກັນກັບຂະບວນການຂອງທະນາຄານນສະຫະລັດ (U.S. Bank) ສຳລັບການກວດສອບຢັ້ງຢືນ ID. ຖ້າທ່ານຕ້ອງການຄວາມຊ່ວຍເຫຼືອໃນການເອົາ ຫຼື ປ່ຽນ ID, ໂປຣແກຣມ STEP ຫຼື 211.org ອາດສາມາດຊ່ວຍເຈົ້າໄດ້.

ຂໍ້ຮຽກຮ້ອງທີ່ຖືກປຸ້ນເອົາ (Hijacked Claims)

ຂໍ້ຮຽກຮ້ອງທີ່ຖືກປຸ້ນເອົາ ຫຼື ເອີ້ນວ່າ “hijacked claim” ເກີດຂຶ້ນເມື່ອມີບາງຄົນເຂົ້າຄວບຄຸມຂໍ້ຮຽກຮ້ອງຂອງທ່ານຕາມຈຸດປະສົງ ແລະ ສືບຕໍ່ຮຽກຮ້ອງເອົາວ່າເປັນທ່ານ. ພວກເຂົາອາດຈະປ່ຽນແປງຂໍ້ມູນໃນຂໍ້ຮຽກຮ້ອງຂອງທ່ານ, ລວມທັງ PIN ແລະ ຄຳຖາມຄວາມປອດໄພຂອງທ່ານ, ເພື່ອໃຫ້ພວກເຂົາຮັບເອົາຜົນປະໂຫຍດເງິນຊ່ວຍເຫຼືອຂອງທ່ານໄດ້. ຖ້າທ່ານສົງໄສວ່າຂໍ້ຮຽກຮ້ອງຂອງທ່ານຖືກຄົນອື່ນເຂົ້າເຖິງ ຫຼື ຄວບຄຸມ, ໃຫ້ລາຍງານຫາ Employment Department (ພະແນກການຈ້າງງານ) ທັນທີ. ຖ້າຜູ້ຊ່ຽວຊານຂໍ້ຮຽກຮ້ອງສົງໄສວ່າຂໍ້ຮຽກຮ້ອງຂອງທ່ານຖືກປຸ້ນເອົາ, ພວກເຂົາຈະໂອນເງິນໃຫ້ທ່ານເພື່ອທີ່ຂໍ້ຮຽກຮ້ອງຂອງທ່ານອາດຈະຖືກສືບສວນ.

ຖ້າພວກເຮົາສົງໄສການລັກລະຫັດລະບຸຕົວຕົນ, ການຈ່າຍເງິນໃນຂໍ້ຮຽກຮ້ອງຂອງທ່ານຈະຢຸດ. ຖ້າທ່ານໄດ້ຮັບຜົນປະໂຫຍດເງິນຊ່ວຍເຫຼືອຜ່ານບັດ Reliacard ຂອງທະນາຄານສະຫະລັດ (U.S. Bank), ບັດຈະຖືກງົດຈົນກວ່າພວກເຮົາສາມາດຢືນຢັນວ່າເກີດມີການລັກລະຫັດລະບຸຕົວຕົນຫຼືບໍ່. ຖ້າທ່ານໄດ້ຮັບຜົນປະໂຫຍດເງິນຊ່ວຍເຫຼືອຜ່ານການຝາກເຂົ້າບັນຊີໂດຍກົງ, ການຈ່າຍເງິນຈະຖືກງົດ.

ລາຍງານທາງອອນລາຍ: ປະກອບແບບຟອມ Suspected UI Fraud Investigations Referral Information (ແບບຟອມຂໍ້ມູນການສົ່ງຕໍ່ການສືບສວນການສໍ້ໂກງປະກັນໄພຫວ່າງງານທີ່ສົງໄສ). ໝາຍເຫດ: ທ່ານອາດຈະບໍ່ໄດ້ຮັບການຢືນຢັນຈາກພວກເຮົາທັນທີເມື່ອທ່ານສົ່ງບົດລາຍງານ.

ລາຍງານທາງໂທລະສັບ: ໂທຫາເບີ 877-345-3484

ທ່ານຍັງສາມາດລາຍງານຂໍ້ຮຽກຮ້ອງທີ່ຖືກປຸ້ນໄດ້ຜ່ານໜ້າ Contact Us (ຕິດຕໍ່ພວກເຮົາ) ຂອງພວກເຮົາໄດ້.

ສຳລັບບັນທຶກຂໍ້ຮຽກຮ້ອງທີ່ຈະຖືກປ່ຽນແປງ, ທັງໝົດທີ່ບາງຄົນຕ້ອງການແມ່ນເລກປະຈຳຕົວລູກຄ້າ (CID) ຂອງທ່ານ ແລະ PIN ຂອງທ່ານ. ມັນເປັນຄວາມຮັບຜິດຊອບຂອງທ່ານທີ່ຈະໃຫ້ແນ່ໃຈວ່າ PIN ຂອງທ່ານປອດໄພ ແລະ ຄົນອື່ນບໍ່ສາມາດຄາດເດົາໄດ້ງ່າຍໆ.

ຢ່າ:

ຢ່າບອກ PIN ຂອງທ່ານໃຫ້ກັບຜູ້ອື່ນ.

ຢ່າບອກ PIN ຂອງທ່ານໃຫ້ກັບຜູ້ອື່ນຜູ້ທີ່ຊ່ວຍທ່ານຍື່ນຂໍ້ຮຽກຮ້ອງຂອງທ່ານ.

ຢ່າໃຊ້ສີ່ຕົວເລກສຸດທ້າຍຂອງ SSN (ເລກປະກັນສັງຄົມ) ຂອງທ່ານ.

ຢ່າໃຊ້ວັນເດືອນປີເກີດ.

ຢ່າໃຫ້ມີຕົວເລກຊ້ຳເຊັ່ນ: 1111 ຫຼື 1234.

Unemployment Identity Theft and Unemployment Insurance Fraud

ຮັບ​ຮູ້ ແລະ ຫຼີກ​ລ່ຽງ​ອຸ​ບາຍຫຼອກ​ລວງ​ເອົາ​ປະ​ກັນ​ໄພ​ຫວ່າງ​ງານ

ການ​ລັກ​ລະ​ຫັດ​ລະ​ບຸ​ຕົວ​ຕົນ​ການ​ຫວ່າງ​ງານ

ສັນ​ຍານ​ທີ່​ທ່ານ​ອາດ​ຈະ​ຕົກ​ເປັນ​ເຫຍື່ອ​ຂອງການ​ລັກ​ລະ​ຫັດ​ລະ​ບຸ​ຕົວ​ຕົນ​ການ​ຫວ່າງ​ງານ

ຈະ​ເຮັດ​ແນວ​ໃດ, ຖ້າ​ທ່ານ​ໄດ້​ຮັບ​ເອ​ກະ​ສານ​ຈາກ OED, ແຕ່​ບໍ່​ໄດ້​ຍື່ນ​ຂໍ​ຜົນ​ປະ​ໂຫຍດ​ເງິນ​ຊ່ວຍ​ເຫຼືອ

ຈະ​ເຮັດ​ແນວ​ໃດ, ຖ້າ​ທ່ານ​ຕົກ​ເປັນ​ເຫຍື່ອ​ຂອງການ​ລັກ​ລະ​ຫັດ​ລະ​ບຸ​ຕົວ​ຕົນ​ການ​ຫວ່າງ​ງານ

ການ​ສໍ້​ໂກງ​ຜົນ​ປະ​ໂຫຍດເງິນຊ່ວຍເຫຼືອປະກັນໄພການຫວ່າງງານ

ວິ​ທີ​ລາຍ​ງານ​ການ​ສໍ້​ໂກງ​ປະ​ກັນ​ໄພ​ຫວ່າງ​ງານ

ຂໍ້​ຮຽກ​ຮ້ອງ​ທີ່​ຖືກ​ປຸ້ນ​ເອົາ (Hijacked Claims)